अक्टोबर ७-१३

• भज ९२:५—यस पदले कसरी यहोवाको बुद्धिबारे बखान गर्छ? (cl पृ. १७६ अनु. १८)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

यहोवाका सेवकहरूले पनि तनावको सामना गर्नुपर्ने हुन्छ। उदाहरणको लागि, दाउदले पनि जीवनमा विभिन्‍न उकाली-ओरालीको सामना गर्नुपरेकोले तनाव महसुस गरेका थिए। आज हाम्रा भाइहरूले पनि त्यस्तै परिस्थितिको सामना गर्दै छन्‌। (भज १३:२; १३९:२३) दुःखको कुरा, युवाहरूले समेत तनावको सामना गर्नुपरेको छ। कहिलेकाहीँ तिनीहरूलाई नियमित रूपमा गरिने कामकुरा गर्नु, जस्तै: स्कुल वा सभाहरूमा जानु पनि तनावपूर्ण लाग्न सक्छ। यसले गर्दा असाध्यै अत्तालिने समस्या (प्यानिक अट्याक) हुन सक्छ वा आत्महत्या गर्ने सोचाइ समेत आउन सक्छ।

युवाहरू हो, तपाईँहरू तनावले गर्दा असाध्यै चिन्तित हुनुहुन्छ भने आमाबुबा वा कुनै परिपक्व व्यक्‍तिसित मदत माग्नुहोस्‌। प्रार्थनामा यहोवासित पनि मदत माग्न नबिर्सनुहोस्‌। (फिलि ४:६) उहाँले तपाईँलाई मदत गर्नुहुन्छ। (भज ९४:१७-१९; यसै ४१:१०) स्टिङको अनुभव विचार गर्नुहोस्‌।

यहोवाले मेरो ख्याल राख्नुभयो भिडियो देखाउनुहोस्‌। त्यसपछि यी प्रश्‍नहरू सोध्नुहोस्‌:

• स्टिङलाई बाइबलको कुन पदले मदत गऱ्‍यो र किन?

• यहोवाले कसरी तिनको ख्याल राख्नुभयो?

आमाबुबा हो, तपाईँ आफ्नो छोराछोरीको कुरा ध्यानपूर्वक सुनेर, माया व्यक्‍त गरेर अनि यहोवा तिनीहरूलाई धेरै माया गर्नुहुन्छ भन्‍ने कुरामा ढुक्क बनाएर तिनीहरूलाई तनावको सामना गर्न मदत दिन सक्नुहुन्छ। (ति २:४; या १:१९) छोराछोरीलाई मदत गर्न यहोवाले साथ र बल दिनुहुन्छ भनेर ढुक्क हुनुहोस्‌।

हामीलाई मण्डलीमा कुनै भाइ वा बहिनीले अचाक्ली तनावको सामना गरिरहेको वा तिनलाई कस्तो महसुस भइरहेको छ भनेर थाह नहुन सक्छ। तैपनि तपाईँले मण्डलीमा सबैलाई माया पाएको महसुस गराउन सक्नुहुन्छ।—हित १२:२५; हिब्रू १०:२४.