नोभेम्बर १८-२४

• भज १०८:९—मोआबलाई किन “हातगोडा धुने बाटा”-सित तुलना गरिएको छ? (it-2-E पृ. ४२० अनु. ४)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

यहोवाले लाल समुद्रमा त्रसित भएका इस्राएलीहरूलाई शक्‍तिशाली मिश्री सेनादेखि जोगाउनुभएपछि तिनीहरूले गीत गाएर यहोवालाई धन्यवाद चढाए। (प्रस्थ १५:१-१९) त्यो नयाँ गीत गाउन पुरुषहरूले नेतृत्व लिए। (प्रस्थ १५:२१) येसु र प्रथम शताब्दीका ख्रिष्टियनहरूले पनि यहोवाको प्रशंसाका गीतहरू गाउनुभयो। (मत्ति २६:३०; कल ३:१६) हामीले पनि सभा, सम्मेलन र अधिवेशनहरूमा गीत गाएर यहोवालाई कृतज्ञता व्यक्‍त गर्न सक्छौँ। उदाहरणको लागि, हामीले भर्खरै गाएको “धन्यवाद छ, यहोवा” भन्‍ने गीत सन्‌ १९६६ देखि सभाहरूमा गाउँदै आएका छौँ।

कतिपय ठाउँका पुरुषहरू सार्वजनिक रूपमा गीत गाउन अप्ठ्यारो मान्छन्‌। कतिपय पुरुष र स्त्री भने आफूले राम्ररी गाउन जान्दिनँ भनेर गीत गाउनदेखि हिचकिचाउँछन्‌। तर हामीले सभाहरूमा गीत गाउनु उपासनाको एउटा भाग हो भन्‍ने कुरा बिर्सनु हुँदैन। यहोवाको सङ्‌गठनले गीतहरू तयार पार्न र प्रत्येक हप्ताको सभामा गाउने गीत छान्‍न धेरै मेहनत गर्छ। तर हामीले गर्नुपर्ने कामचाहिँ सजिलो छ। हामीले स्वर्गमा बस्नुहुने बुबाको मनैदेखि प्रेम र प्रशंसा गरेको देखाउन सबै जनासित स्वरमा स्वर मिलाउँदै गीत गाए पुग्छ।

इतिहासका पानाहरू—गीत—यहोवाले दिनुभएको उपहार, भाग २ भिडियो देखाउनुहोस्‌। त्यसपछि श्रोतालाई निम्न प्रश्‍नहरू सोध्नुहोस्‌:

• सन्‌ १९४४ मा के भएको थियो?

  तपाईँको जवाफ



• साइबेरियामा हुनुभएका हाम्रा भाइहरूले राज्य गीतप्रतिको कृतज्ञता कसरी देखाए?

  तपाईँको जवाफ



• यहोवाका साक्षीहरू गीत गाउनुलाई किन महत्त्वपूर्ण ठान्छन्‌?

  तपाईँको जवाफ