अगस्त १८-२४

• हित २७:२१—प्रशंसा पाउँदा हामीले देखाउने प्रतिक्रियाले कुन कुरा प्रस्ट पार्छ? (w०६ १०/१ पृ. ६ अनु. ७)

  तपाईँको जवाफ

• यस हप्ताको बाइबल पढाइबाट तपाईँले कस्ता बहुमूल्य रत्न भेट्टाउनुभयो?

  तपाईँको जवाफ

यहोवाले हामीलाई विश्‍वव्यापी परिवारको भाग हुने सुअवसर दिनुभएको छ, जहाँ हामीले मायालु साथीहरू पाउन सक्छौँ। हुनत तपाईँ मण्डलीमा भएका सबैसित मित्रैलो व्यवहार गर्नुहुन्छ होला तर तपाईँ तिनीहरूमध्ये कति जनासित घनिष्ठ हुनुहुन्छ? कसैसित बलियो मित्रता गाँस्न एकअर्कालाई राम्ररी चिन्‍नुपर्छ, भरोसा गर्नुपर्छ, मन खोलेर कुराकानी गर्नुपर्छ र निःस्वार्थ भई एकअर्कालाई मदत गर्नुपर्छ। त्यसैले मित्रता गाँस्न र त्यसलाई बलियो बनाइराख्न समय र प्रयास दुवै चाहिन्छ।

हितोपदेश १७:१७ पढ्‌नुहोस्‌। त्यसपछि श्रोतालाई सोध्नुहोस्‌:

• महासङ्‌कष्ट आउनुअघि नै भाइबहिनीसित घनिष्ठ मित्रता गाँस्नु किन बुद्धिमानी हो?

  तपाईँको जवाफ

दोस्रो कोरिन्थी ६:१२, १३ पढ्‌नुहोस्‌। त्यसपछि श्रोतालाई सोध्नुहोस्‌:

• यी पदहरूमा पाइने सल्लाहले साथीहरू बनाउन कसरी मदत गर्छ?

  तपाईँको जवाफ

“सबै कामको लागि उचित समय छ”—मित्रता गाँस्न समय लाग्छ भिडियो देखाउनुहोस्‌। त्यसपछि श्रोतालाई सोध्नुहोस्‌:

• यस भिडियोबाट मित्रता गाँस्ने सन्दर्भमा तपाईँले के सिक्नुभयो?

  तपाईँको जवाफ

तपाईँ मीठो मुस्कान दिएर वा न्यानो अभिवादन गरेर मित्रताको बिउ छर्न सक्नुहुन्छ अनि तिनलाई व्यक्‍तिगत चासो देखाएर त्यो बिउमा पानी हाल्न सक्नुहुन्छ। मित्रतालाई बलियो बनाउन समय लाग्छ, त्यसैले धीरजी हुनुहोस्‌। यसो गर्दा तपाईँले सधैँभरि रहिरहने मित्रता गाँस्न सक्नुहुनेछ।