Elandulafano lOkwoongala kwoPailonga
Oshivike osho tashi hovele no 10 Marsa
Eimbilo 131
Ominute 10: Omashiivifo eongalo. Unganeka pa ningwe euliko li na sha nanghee Oshungonangelo ye 1 Marsa nosho yo o-Awake! yaMarsa tai dulu okuyandjwa pamwe nokafo kokushiiva ovanhu kEdimbuluko. Longifa omaetepo oo e li pepandja eti-8 lokafo aka ile omatwalemo amwe e lili oo taa wapalele moshitukulwa sheni.
Ominute 20: Omolwashike tu na okukala hatu ongala pamwe? Oshipopiwa neenghundafana novapwilikini da kanghamena kOshungonangelo yOshiingilisha yo 15 Marsa 2007, epandja 11-13. Shiva ovapwilikini va ninge omatyekosha shi na sha nouwa oo hava mono mokwoongala nonokutya omashongo elipi va tauluka opo va dule okukala hava kala pokwoongala pandjikilile.
Ominute 15: “Atusheni ohatu dulu okuyandja sha kuJehova.”* Ngeenge efimbo otali shi pitike, pula ovapwilikini va ninge omatyekosha avo shi na sha nomishangwa odo da etwa mo ndele inadi tofwa mo.
Eimbilo 8
Oshivike osho tashi hovele no 17 Marsa
Eimbilo 144
Ominute 10: Omashiivifo eongalo. Dimbulukifa ovapwilikini va etelele Oshungonangelo ye 1 Aprili no-Awake! yaAprili kOkwoongala kwoPailonga moshivike tashi landula. Nave uye ve lilongekida okuninga omaetepo oo taa wapalele e na sha nanghee hatu dulu okuyandja oifo oyo moshitukulwa shetu. Omashiivifo oo a hoololwa mokafo aka kUukalele wetu wUukwaniilwa.
Ominute 15: Oshimhungu shomapulo. Oshitukulwa eshi oshi na okuyandjwa komukulunhuongalo. Lesha nokuyelifa oshitukulwa ashishe.
Ominute 20: “Ongahelipi hatu dulu okuyakula nokukwafela ovo tave ke uya kEdimbuluko?”* Unganeka pa ningwe euliko li li pauxupi li na sha nanghee hatu dulu okuhovela ekonakonombibeli ngeenge hatu talele po ovo va li ve uya kEdimbuluko. Euliko olo oli na okuningwa ngeenge we uya pokatendo okati-5.
Eimbilo 214
Oshivike osho tashi hovele no 24 Marsa
Eimbilo 111
Ominute 5: Omashiivifo eongalo. Lesha omushangwahokololo welongifo loimaliwa nosho yo omukanda wedimino li na sha nomayambidido oo wa dja koshitaimbelewa.
Ominute 10: Lilongekidila oku ka yandja oifo oyo opo ya piti. Eenghundafana novapwilikini de likolelela kOshungonangelo ye 1 Aprili no-Awake! yaAprili. Konima yokungonga pauxupi kombinga yoshikalimo shoifo oyo, pula ovapwilikini kutya oitukulwa ilipi yoifo oyo ve wete tai ka kala ihokwifa unene kovanhu moukalele nomolwashike tava diladila ngaho. Va pula va popye oitwa yokondadalunde oyo tava diladila oku ka longifa moukalele. Omapulo elipi va diladila oku ka pula opo va hovele eenghundafana novanhu? Ova diladila oku ka longifa omishangwa dilipi odo tadi hangwa moitukulwa yoifo oyo? Unganeka pa ningwe euliko li na sha nanghee oshifo keshe tashi dulu okuyandjwa, to longifa omaetepo oo e li pepandja eti-8.
Ominute 30: “Mbela oto vulu okwiiyamba?” Oshipopiwa tashi ladipike. Shiva ovapwilikini va ninge omatyekosha pokatendo 13 no 18-24 mokupula omapulo outendo ovo. Ladipika ovadali va kwafele ovana vavo va lalakanene oilonga yaBetel. Ladipika omaukwaneumbo a konakone pamwe okawedwapo oko ke li mokafo aka kUukalele wetu wUukwaniilwa.
Eimbilo 29
Oshivike osho tashi hovele no 31 Marsa
Eimbilo 37
Ominute 10: Omashiivifo eongalo. Dimbulukifa ovaudifi va yandje eelaporta davo doilonga yomomapya daMarsa.
Ominute 20: Lesha embo lokomudo 2008 Yearbook. Oshipopiwa neenghundafana novapwilikini. Kundafana “Onhumwafo ya dja kOlutuwiliki,” oyo i li pepandja 3-5. Pula ovapwilikini vavali ile vatatu va hokolole oimoniwa yonhumba oyo ye va ladipika neenghono, tai hangwa mo-Yearbook. Unganeka komesho yefimbo, opo omuudifi umwe ile vavali va popye kombinga yelandulafano olo ve litulila po li na sha nokulesha o-Yearbook. Hauxuninwa, ladipika ovapwilikini aveshe va leshe embo olo alishe.
Ominute 15: “Natu tungathaneni manga tu li muukalele”*
Eimbilo 122
Oshivike osho tashi hovele no 7 Aprili
Eimbilo 186
Ominute 10: Omashiivifo eongalo.
Ominute 20: Omolwashike to ongaonga okuninginifwa? Oshitukulwa eshi oshi na okuyandjwa komukulunhuongalo monghedi yoshipopiwa. Osha kanghamena kOshungonangelo ye 1 Juli 2006, epandja 31-32, okatendo 14-17 (yOshiingilisha, 1 Juli 2006, epandja 29-30, okatendo 14-17). Pulapula yo pauxupi omuudifi umwe ile vavali ovo va li va ninginifwa fimbo va li ovanyasha vomido omulongo nasha. Oshike sha li she ve linyengifa va ninginifwe fimbo va li ovanyasha? Ongahelipi okuninginifwa kwavo kwe va kwafela va kule pamhepo nova kale meameno lopamhepo?
Ominute 15: Mbela owa kendabala okuhovela ekonakonombibeli odikilila? Oshipopiwa neenghundafana novapwilikini de likolelela kokawedwapo komokafo koukalele kOshiingilisha kaJanuali 2002, epandja 6. Kundafana omaetepo oo e li mokawedwapo oko nonghee taa dulu okulongifwa opo omunhu a hovele ekonakonombibeli ta longifa embo Ombibeli otai hongo. Unganeka pa ningwe euliko limwe ile avali. Ladipika ovapwilikini va hovele odikilila ekonakonombibeli nande olimwe moshivike tashi landula, tava longifa embo Ombibeli otai hongo.
Eimbilo 225
* Ngeenge oshipopiwa shoye oshi na edidiliko olo lokanyofi, osha hala okutya etwalemo loye oli na okuningwa meni lomunute umwe, opo nee to hovele eenghundafana domapulo nomanyumuko.