Oshileshomwa shoka to gandja oshi li monkalo yi li ngiini?
Shoka osho tu na okwiipula nasho manga inaatu gandja oshileshomwa kehe. Ngele otashi monika sha luudha, sha za olwaala, sha tikila sha nenge shi na oonkotso dhi itonya shika otashi ka petha ehangano edhina ewinayi notashi ka ningitha omunegumbo kaa pulakene ketumwalaka ewanawa lyehupitho ndyoka li li moshileshomwa shoka.
Ongiini tatu vulu okukaleka iileshomwa yetu monkalo ombwanawa? Oyendji ohaya mono shi li nawa okupakela iileshomwa yoludhi lumwe pamwe moondjato dhawo ngele taya yi muukalele. Pashiholelwa, ohaya tula omambo pamwe, iifo nuubroshure pamwe, uutraktate pamwe nosho tuu. Uuna taya shuna mo Ombiimbeli niileshomwa mondjato ohaye shi ningi nuukeka opo kaayi tuuke. Aauvithi yamwe ohaya tula iileshomwa yawo momapeko nenge moonayilona oondjelele. Kutya nduno ohatu longitha omukalo guni, inatu hala okugandja iileshomwa yetu yi li monkalo ndjoka tayi ka ningitha omuntu a sheke etumwalaka lyetu. — 2 Kor. 6:3.