Nkene tatu vulu okuhwepopaleka uunkulungu wetu muukalele — Okuyamukula omunegumbo ngoka a geya

Omolwashike sha simana: Aantu oyendji mboka hatu mono muukalele oye na omikalo. Ihe nonando ongawo, Jesus okwa li a hunganeke kutya aantu yamwe otaye ke tu tonda. (Joh. 17:14) Onkee ano, kashi na oku tu kumitha uuna twa adha omunegumbo a geya. Uuna shoka sha holoka, otwa hala oku mu yamukula momukalo ngoka tagu nyanyudha Jehova, ngoka tu lile po. (Rom. 12:17-21; 1 Pet. 3:15) Okuninga ngaaka otaku vulu ku keelele onkalo kaayi nayipale. Otashi ka pa wo uunzapo omunegumbo nosho wo mboka ye tu tala, shoka tashi ke ya ningitha ya ka kale ya hala okupulakena oshikando tashi landula uuna Oonzapo dhaJehova dhe ya talele po.​— 2 Kor. 6:3.