Omolwashike aantu kaaye na ombili nayakwawo? — Ombiimbeli otayi ti ngiini?

Aapangeli nosho wo omahangano muuyuni, inaga vula okweetela aantu ombili. Okuza ngaa pIita Iitiyali yUuyuni, omakuyunguto oga kala ogendji noonkondo shi vulithe nale, sigo okeluwa ndi. Aantu omabiliyona gaali lwaampono muuyuni, ohaya zi miitopolwa mbyoka ya gumwa komakuyunguto ngoka.

Omolwashike aantu itaaya vulu okweeta ombili muuyuni? Ombiimbeli otayi ti ngiini?

Omatompelo gatatu kutya omolwashike aantu itaaya vulu okweeta ombili

1. 1. Aantu oye na iikala mbyoka hayi ya imbi ya kambadhale okupanga ombili. Ombiimbeli oya uvaneka kutya pethimbo lyetu ‘aantu otaa ka kala nokwiihola, ye hole eliko, aainomi noye hole uuntsa. . . . Ya pota, yaa na ohenda, aapwidhi naadhudhu; ihaa yawala nohaa tuwalala.’ — 2 Timoteus 3:2-4.

2. 2. Aantu kutya nduno opaugumwe nenge oye li ongundu, itaya vulu okukandula po omaupyakadhi gawo nopwaa na ekwatho lyOmushiti gwawo, Jehovaa Kalunga. Ombiimbeli oya popya kutya “kaku na omuntu hu utha okukalamwenyo kwe.” — Jeremia 10:23.

3. 3. Uuyuni awuhe otawu pangelwa komupangeli omwiinayi nomunankondo, ano Satana Omuhindadhi, ngoka “ta pukitha uuyuni auhe.” (Ehololo 12:9) Iita nosho wo omakuyunguto opo owala yi na okukala, oshoka “uuyuni auhe ou li mepangelo lyomuhindadhi.” — 1 Johannes 5:19.

Olye ta vulu okweeta ombili?

Ombiimbeli oye tu shilipaleka kutya Kalunga oye owala ta vulu okweeta ombili muuyuni, ihe haantu.

• Ombiimbeli otayi ti: “Ongame awike ndi shi shoka nde mu dhiladhilila, omadhiladhilo gandje ogelago, hagomupya; otandi mu pe onakuyiwa netegameno.” — Jeremia 29:11.

Mbela Kalunga ota ka gwanitha po ngiini euvaneko ndyoka? “Kalunga, oluthithiya lwombili, ota ka [nyanyagula] mbala Satana.” (Aaroma 16:20) Kalunga ota ka longitha epangelo lyomegulu, ndyoka Ombiimbeli tayi li ithana ‘Oshilongo shaKalunga,’ a ete ombili muuyuni awuhe. (Lukas 4:43) Sho Jesus Kristus, Omukwaniilwa gUukwaniilwa mboka ta ka pangela evi alihe, aantu otaya ka longwa nkene taya vulu okukala ye na ombili nayalwe. — Jesaja 9:6, 7.

• Opo wu ilonge oshindji, lesha oshitopolwa “Uukwaniilwa waKalunga otawu ka gwanitha po shike?”