Oshili kombinga yOshilongo shaKalunga
Jesus okwa longa aalanduli ye ya galikane taya ti: “Tate yetu, ngu u li megulu: Edhina lyoye nali yapulwe, Oshilongo shoye nashi ye, Ehalo lyoye nali gwanithwe kombanda yevi wo ngaashi megulu.” (Mateus 6:9, 10) Oshilongo Kalunga oshike? Oshilonga shasho osha shike? Nomolwashike tu na okugalikana shi ye?
Jesus oye Omukwaniilwa gwOshilongo nenge gwUukwaniilwa waKalunga.
Lukas 1:31-33: ‘Owu na oku ka luka Jesus. Oye ta ningi omunene e ti ithanwa Omuna gwaKalunga gwokombandambanda. Omuwa Kalunga ote mu ningi omukwaniilwa ongaashi he David. Oye ta ningi omukwaniilwa gwoluvalo lwaJakob sigo aluhe; nuukwaniilwa we kau na mpoka tau ka hula po.’
Jesus okwa li unene hu uvithile aantu kombinga yUukwaniilwa waKalunga.
Mateus 9:35: “Jesus okwe ende miilando ayihe nomomikunda adhihe. Oye okwa longo moosinagoga dhawo noku uvitha elaka etoye lyOshilongo. Okwa panga uuvu kehe noshigombo kehe.”
Jesus okwa li a pe aalongwa ye endhindhiliko ndyoka tali ya kwathele ya mone kutya Uukwaniilwa mboka owu li pokuya.
Mateus 24:7: “ligwana otayi ka thikama okukondjithathana, iilongo otayi ka matukilathana. Otaku ke ya oondjala nomakakamo gevi okoombinga noombinga.”
Kunena, aalongwa yaJesus ohaya uvitha kombinga yoshilongo nenge yUukwaniilwa waKalunga muuyuni awuhe.
Mateus 24:14: “Elaka ndika etoye lyOshilongo otali ka uvithilwa aantu ayehe, li ningile iigwana ayihe onzapo; notaku ya ihe ehulilo.”