Oku ka konga omuntu nziya okwa pumbiwa

Okuza sho epandja lyetu lyokOintaneta lya lunduluka, aantu oyendji ohaya pula omakonakonombiimbeli shi vulithe nale. Yamwe ishewe oya ninga omaindilo ngoka okupitila momikalo omipe dhokugandja uunzapo womontaneho. Oshitayimbelewa ohashi ungaunga nomaindilo ngaka nziya ngaashi tashi vulika. Pashiholelwa, ngele eindilo olya ningwa ko-jw.org, aakuluntugongalo yomoshitopolwa moka mu na omuntu ngoka u ulika ohokwe ohaya tuminwa uuyelele okuza koshitayimbelewa konima owala yomasiku gaali. Ihe oolopota okuza momapya otadhi ulike kutya yamwe mboka ya pula omakonakonombiimbeli inaya kwatathanwa nayo uule wiiwike yontumba. Ongiini tatu vulu okushilipaleka kutya mboka yu ulika ohokwe oya mona ekwatho manga ohokwe yawo inaayi kana po? — Mark. 4:14, 15.

Ngele omuntu ngoka kee shi gwomoshitopolwa sheni oku ulike ohokwe, udhitha nziya ofooloma Please Follow Up (S-43) e to yi pe amushanga manga okugongala kweni taku landula inaaku thika. Muule wesiku limwe nenge gaali, amushanga oku na okugandja uuyelele mboka kegongalo ndyoka li na okuungaunga nuuyelele mboka nenge e wu gandje koshitayimbelewa ta longitha o-jw.org ta yi mpoka pwa nyolwa Congregation. Aakuluntugongalo oye na okukala haya tala kepandja lyetu lyokOintaneta aluhe. Ngele oya mono uuyelele ya ye komuntu ngoka u ulika ohokwe, oye na okukwatathana naye nziya. Omuuvithi kehe a pulwa a ye ko kuye osho oshinima shoka e na okuninga tango. Ngele omuntu ino mu adha mo megumbo, oto vulu okuthiga po uuyelele woye hoka ta vulu okukwatathana nangoye.