Nkene tu na okulongitha ofooloma Please Follow Up (S-43)
Ofooloma ndjika oyi na okuudhithwa ngele wa tsakaneke omuntu e na ohokwe ngoka kee shi gwomoshitopolwa sheni nenge ta popi elaka ekwiilongo. Nonando nale okwa li hatu yi longitha uuna twa tsakanene nomuntu ngoka ha popi elaka ekwiilongo kutya nduno oku na ohokwe nenge ke na ohokwe, ngaashingeyi ohatu yi longitha owala ngele omuntu u ulike ohokwe. Ihe ngele owa tsakanene nombolo, kashi na nduno mbudhi kutya oyu ulika ohokwe nenge hasho owu na okuudhitha ofooloma S-43.
Ngele tu udhitha ofooloma ndjoka otu na oku yi gandja kulye? Otu na oku yi pa amushanga gwegongalo. Ngele oku shi kutya oku na oku yi tumina kegongalo lini, ota vulu oku yi tumina aakuluntugongalo yako opo ya ninge omalongekidho omuntu ngoka e na ohokwe a talelwe po. Ngele ke shi kutya oku na oku yi tumina kegongalo lini, ne yi tumine koshitayimbelewa.
Ngele omuntu ngoka e na ohokwe oha popi elaka ekwiilongo noha kala moshitopolwa sheni, oto vulu okutsikila oku mu talela po, opo wu kokeke ohokwe muye sigo a tameke okutalelwa po komuuvithi gwokegongalo lyelaka ndyoka ha popi. — Tala Uukalele Wetu wUukwaniilwa waNovomba 2009, epandja 4.