Okuhwepopaleka uunkulungu wetu muukalele —  Okuuvithila yalwe mboka haya popi omalaka galwe

Omolwashike sha simana: Jehova oku na ko nasha nuupambepo womuntu kehe kutya nduno “ogwomoshigwana sha tya ngiini.” (Iil. 10:34, 35) Omolwaashoka Jesus a ti kutya onkundana ombwanawa otayi ka uvithwa “muuyuni awuhe” nosho wo ‘miigwana ayihe.’ (Mat. 24:14, NW) Sakaria okwa hunganeka kutya aantu “yomomalaka gomiigwana ayihe” otaye ku uva etumwalaka. (Sak. 8:23, NW) Omuyapostoli Johannes memoniko lye okwa ti kutya mboka taya ka hupa puudhigu uunene otaya ka kala ya za “maantu yomomihoko adhihe, momaludhi agehe, miigwana ayihe nomomalaka agehe.” (Eh. 7:9, 13, 14) Omolwoshinima shoka, uuna twa tsakaneke omuntu moshitopolwa shetu ngoka ha popi elaka lyi ili, otu na okukambadhala tu mu uvithile.