Okuhwepopaleka uunkulungu wetu muukalele — Okuuvithila kehe gumwe moshitopolwa shetu

OMOLWASHIKE SHA SIMANA?: Sakaria okwa hunganekele kutya aantu yomiigwana ayihe otaya ka taamba ko nehalo ewanawa onkundana ombwanawa. (Sak 8:23) Ihe olye te ke ya uvithila? (Rom 10:13-15) Otu na uuthembahenda noshinakugwanithwa shokuuvithila kehe gumwe moshitopolwa shetu. — od-E ep. 84, okat. 10-11.

NKENE TATU VULU OKU SHI NINGA:

• Ilongekidha. Mbela oho tsakanene naantu mboka haya popi elaka lilwe? Longitha opolohalama yo-JW Language, wu ilonge okuninga efalomo epu. Nenge wu longithe oshikwaelektronika shoye wu ulukile omuntu nkene ta vulu okukonga uuyelele owundji melaka lye ko-jw.org

• Kala ho konenene oonkalo. Ngele oto longo egumbo negumbo, ino hunutha ompito yokuuvithila mboka taye ende po nenge ye li moohauto. Uvithila mboka ye li pomahala gaayehe

• Kala omudhiginini. Shuna kwaamboka inoo adha megumbo wu ke yu uvithile. Kambadhala okupopya nomunegumbo kehe, tashi vulika moku ya ko pethimbo lilwe nenge mesiku lilwe. Aanegumbo yamwe otashi vulika ya pumbwa okuuvithilwa okupitila moontumwafo, mongodhi nenge yu uvithilwe kuyalwe mepandaanda

• Kala ho shuna ko. Shuna ko nziya ngele omunegumbo oku ulika ohokwe. Ngele oha popi elaka lilwe, kambadhala oku mu kongela omuuvithi ngoka ha popi elaka lye. Tsikila oku mu talela po sigo wa mono ngoka ha popi elaka lye. — od-E ep. 94, okat. 39-40

TALA OKAVIDIO TAYU UVITHA SIGO “OKOOHA DHUUYUNI” E TO YAMUKULA OMAPULO TAGA LANDULA:

• 

  Aauvithi oya ningi omalongekidho geni, opo ye ku uvithile koshitopolwa shokokule? (1Kor 9:22, 23)

• 

  Omandangalati geni ya li ye na okutaaguluka?

• 

  Omalaleko nuuyamba geni ya mono?

• Oonkambadhala dhini to vulu okuninga, wu uvithile aantu oyendji moshitopolwa sheni?