Otu unganekwa tu uvithile kehe gumwe

Ngaashi owala Jehova a li a unganeke Aaisraeli, nokunena oha unganeke oshigwana she shi longe ehalo lye. Muuyuni awuhe, iitayimbelewa, iikandjo, omagongalo noongundu dhiilonga yomomapya, ayihe ohayi longele kumwe opo onkundana ombwanawa yu uvithwe. Ohatu uvithile kehe gumwe, mwa kwatelwa naamboka haya popi omalaka galwe. — Eh 14:6, 7.

Owa dhiladhila ngaa okwiilonga elaka lilwe, opo wu kwathele yalwe ya tseye oshili? Nonando ku na ethimbo lyokwiilonga elaka lilwe, oto vulu okulongitha o-JW Language wu ilongekidhe efalomo epu. Ngele owe yi longitha muukalele, otashi vulika wu ka mone enyanyu ndyoka aamwatate yomethelemumvo lyotango ya li ya mono, sho aantu yokiilongo yilwe ya li ya kumwa sho ye ya uvu taya popi “iilonga iinene yaKalunga” momalaka gawo. — Iil 2:7-11.

TALA OKAVIDIO NINGA KUUME KAJEHOVA — UVITHA MELAKA LYOSHIKWIILONGO, E TO YAMUKULA OMAPULO NGAKA:

• 

  Uunake to vulu okulongitha o-app yo-JW Language?

• 

  Oyi na iinima yimwe yini?

• 

  Aantu moshitopolwa sheni ohaya popi omalaka geni?

• Oshike wu na okuninga ngele gumwe ngoka a ulike ohokwe metumwalaka lyUukwaniilwa oha popi elaka lilwe? — od-E ep. 100-101, okat. 39-41