ONKALAMWENYO YOPAKRISTE
Nkene tu na okwiihumbata pegumbo lyomuntu muukalele
Aakriste ‘muuyuni oye li mo taya tongololwa.’ (1Kor 4:9) Onkee ano, inashi tu kumitha, ngele aanegumbo yamwe oya kala taye tu talele momakende nenge taye tu pulakene konima yomweelo. Otashi vulika nokuli egumbo li kale li na okathano nokambako, iinima mbyoka hayi kwathele omunegumbo a tale, a pulakene nokukwate shoka tatu ningi. Natu taleni komikalo dhimwe moka tu na okwiihumbata, uuna twe ya pomagumbo gaantu. — 2Kor 6:3.
EIHUMBATO LYETU (Fil 1:27):
Ulika kutya owa simaneka omunegumbo mokukala itoo ontamene megumbo lye. Uuna wa thikama posheelo, ino kala to li, to nu, to dhenge ongodhi nenge to tumu omatumwalaka
OOHAPU DHETU (Ef 4:29):
Ngele we ya posheelo, ino popya oshinima shoka inoo hala omunegumbo u uve. Aauvithi yamwe otashi vulika nokuli ya mwene po manga, opo ya dhiladhile kwaashoka taya ka popya nomunegumbo