“Aantu yomuuyuni auhe oya li haa popi elaka limwe alike”

11:1-4, 6-9

PuBabel, Jehova okwa li a halakanitha aantu mboka ihaaya vulika mokuvundakanitha elaka lyawo. Kunena, ota gongele engathithi lyaantu okuza miigwana ayihe nomomalaka agehe moku ya longa “elaka lya yogoka,” opo ya vule ‘okwiithana edhina lyaJehova noye mu longele ye li epepe nepepe’ nenge ya hangana. (Sef 3:9, NW; Eh 7:9) “Elaka lya yogoka,” oshili kombinga yaJehova nomalalakano ge ngaashi ga popiwa mOmbiimbeli.

Okwiilonga elaka epe inaku kwatela mo owala okwiilonga iitya iipe momutse. Okwa kwatela mo okwiilonga omikalo omipe dhokudhiladhila. Sha faathana, sho tatu ilongo elaka epe lya yogoka lyoshili, omadhiladhilo getu ohaga shitululwa. (Rom 12:2) Molwaashono ohatu tsikile okuninga ngawo, ohashi tu kwathele tu li oshigwana shaKalunga tu kale twa hangana. — 1Kor 1:10.