Kwathela aakonakonimbiimbeli yoye ya kale haya gongala

Okugongala oku li oshitopolwa sha simana shelongelokalunga lyashili. (Eps 22:22) Ayehe mboka haya gongala ya longele Jehova, ohaya mono enyanyu nosho wo omayambeko. (Eps 65:4) Aakonakonimbiimbeli olundji ohaya ningi ehumokomeho meendelelo, uuna haya gongala pandjigilile.

Ongiini to vulu okukwathela aakonakonimbiimbeli ya kale haya gongala? Kala ho ya hiya kokugongala. Ya ulukila okavidio Oshike hashi ningwa pokugongala kwOonzapo dhaJehova? Ya yelithila uuwanawa mboka taya vulu okumona pokugongala. (lff oshileshwa 10) Oto vulu okukundathana nayo oshitsa shokondandalunde shoka wi ilonga pokugongala nenge wu ya lombwele kombinga yaashoka tashi ka kundathanwa pokugongala kwa landula ko. Pa aakonakoni yoye iileshomwa mbyoka hayi longithwa pokugongala. Shimwe ishewe, ya pa ekwatho ndyoka ya pumbwa. Otashi vulika ya pumbwa olefa. Oonkambadhala kehe to ningi otadhi ka pondola, uuna omukonakoni gwoye e ya kokugongala oshikando shotango. — 1Kor 14:24, 25.

TALA OKAVIDIO KWATHELA AAKONAKONIMBIIMBELI YOYE YA KALE HAYA GONGALA, E TO YAMUKULA OMAPULO NGAKA:

• 

  Ompito yini Niita a longitha a hiye Jade kokugongala kwopaKriste?

• 

  Omolwashike hashi tu etele enyanyu, uuna omukonakoni e ya kokugongala?

• 

  Oshike shoka Jade a ndhindhilike, sho a yi kokugongala oshikando she shotango?