Kwathela aakonakonimbiimbeli yoye ya yande ookuume aawinayi

Opo aakonakonimbiimbeli ya vule okukala ookuume kaJehova, oya pumbwa okuhogolola ookuume aawanawa. (Eps 15:1, 4) Ookuume aawanawa otaye ke ya kwathela ya longe shoka shu uka. — Omayel 13:20; lff oshileshwa 48.

Uuna to kwathele aakonakoni ya yande ookuume aawinayi, kala wu na ondjaalela. Otashi vulika shi kale oshidhigu kuyo okweetha po ookuume yawo yomuuyuni. Onkee ya ulukila kutya owu na ko nasha nayo shili nuuna itaamu konakona. Shika osha kwatelwa mo oku ya tumina etumwalaka, oku ya dhengela nenge oku ya talela po. Sho aakonakoni yoye taya ningi ehumokomeho, oto vulu oku ya hiya ye endathane noshigwana shaKalunga. Otaya ka mona lela kutya otaya likola oshindji shi vulithe pwaashoka taya kanitha. (Mark 10:29, 30) Nangoye oto ka mona enyanyu, sho wu wete uukwanegumbo waJehova tawu indjipala.

TALA OKAVIDIO KWATHELA AAKONAKONIMBIIMBELI YOYE YA YANDE OOKUUME AAWINAYI, E TO YAMUKULA OMAPULO NGAKA:

• Ookuume aawinayi oyeni? — 1Kor 15:33

• Jade okwa li ta dhiladhila ngiini shi na ko nasha nuututhi wAakriste?

• Niita okwa kwathele ngiini Jade e ethe po okweendathana naantu ya puka?