Shoka to vulu okukonakona kombinga yasho

Konakona nelalakano lyokulombwela yalwe shoka wi ilonga

Uuna tatu konakona Ombiimbeli, ohatu mono mo uuwanawa, ihe otatu vulu okumona uuwanawa owundji ngele otwa lombwele yalwe omaliko gomOmbiimbeli taga tsu omukumo, ngoka twi ilonga mo. Omayeletumbulo 11:25 otaga ti: “Ngoka ta hekeleke, ota hekelekwa wo.”

Uuna hatu lombwele yalwe shoka twi ilonga, ohashi tu kwathele tu dhimbulukwe nuupu iitsa mbyoka twi ilonga nokukokeka euvoko lyetu. Molwaashoka ohatu mono mo uuwanawa miinima mbyoka, ohashi tu ningitha tu kale twa hala okulombwela yalwe omaliko ngoka. — Iil. 20:35.

Kambadhala okuninga ngeyi: Moshiwike tashi landula, konga ompito wu lombwele gumwe shoka wi ilonga. Oto vulu oku shi lombwela gumwe gwomaantu yaandjeni, gwomegongalo lyeni, omuniilonga pamwe nangoye, omunasikola pamwe nangoye, omushiinda shoye nenge gumwe ngoka wa tsakanena naye miilonga yokuuvitha. Kambadhala okupopya kombinga yaashoka wi ilonga niitya yoye mwene, to shi ningi paunathangwa nosha yela.

Shoka wu na okukaleka momadhiladhilo: Lombwela yalwe shoka wi ilonga nelalakano lyoku ya tsa omukumo, ihe halyo ku ulika kutya owu shi oshindji wu ya vule. — 1 Kor. 8:1.