Popya paunshitwe

Shoka Filippus a li a ningi

OKAVIDIO: Filippus ta uvithile elenga lyokuEtiopia

1. Tala OKAVIDIO, nenge wu leshe Iilonga 8:30, 31. Opo ihe to yamukula omapulo taga landula:

1. Filippus okwa li a tameke ngiini oonkundathana?

2. Omolwashike omukalo ngono gu li paunshitwe nokutameka oonkundathana, nogwa ningitha ngiini Filippus a longe elenga ndyoka oshinima oshipe?

Oshike tatu ilongo koshiholelwa shaFilippus?

2. Ngele otwa tameke oonkundathana dhetu tatu popi paunshitwe, omuntu ngoka tatu kundathana naye ota ka kala a manguluka okupopya natse nokwa halelela okupulakena ketumwalaka lyetu.

Holela Filippus

3. Kala ho konenene onkalo. Otatu vulu okwiilonga oshindji kombinga yaangoka tatu popi naye, ngele tatu tala komainyengo ge gokoshipala nosho wo keihumbato lye. Mbela omuntu ota monika ngaa a hala okupopya nangoye? Oto vulu oku mu lombwela oshili ndjoka yi li mOmbiimbeli, moku mu pula to ti: “Owu shi shi ngaa kutya . . . ?” Ngele omuntu owu wete kutya ina hala okupopya nangoye, ino mu kondjitha.

4. Kala omwiidhidhimiki. Inashi pumbiwa aluhe wu kale owala ho thikile to popi kombinga yoshili yOmbiimbeli. Tegelela wu mone ompito yo opala, opo wu shi ninge paunshitwe. Omathimbo gamwe otashi vulika wu tegelele sho to ka popya naye oshikando tashi landula.

5. Kala ho tifuka. Otashi vulika ngoka to popi naye a ete po oshinima shoka wa li inoo tegelela. Ngele shono osha ningwa, mu ulukila sha shoka sha pamba shoka a eta po, nonando hasho wa li wu na momadhiladhilo esiku ndyoka.