Sawooniherya sa Ntakiheryo

Opaceryiha Soohuserya sa Piipiliya Nawoorowa Oopacerya a Yulyu

“Muchu ori oothene mu ekulucu ahu onnachuna okhalano okumi woolekela ni woohakalala. Mwawihiihaa naachuna osuwela moonelo anyu wa nikoho nna: Munuupuwela wi siyensiya ni mirece inahaala oneeriha okhala wookhala? [Muweherye naakhulo.] Moone enalociwa va.” Mmoonihe oculi wa A Sentinela 1 a Yulyu, nave muthokororye vamoha miseelo vathi va nikoho noopacerya ni emoha ya soorepa iromoliwe. Mvahe irevista, ni mvaanele okooka wi muthokororye nikoho nnacharela.

Enoota: Yawooniherya ela enaphwanela wooniheryiwa variyari va muthukumano wa muteko wa mmacani 6 a Yulyu.

Sentinela 1 a Yulyu

Ancipale a yaawo nnalocaahuno aakhalano ekerexa aya. Nyenya akina analoca wi ororomela waya ekerexa woomala. Munoona hai vooloca sa ekerexa? [Muweherye naakhulo.] Yesu oovaha nlakiheryo wi nnikhaviherye othoriha ekerexa. [Mwaalakhanye Luka 6:44a] Erevista ela enathokororya sawiima soonanara seiyo ekerexa eniimihaaya. Navetho ennaakhula nikoho nla, Yookhalavo ekerexa enaphwanela ororomeliwa?”

Despertai! Yulyu

“Nnaaxekurya amwaacamani ahu wi nloce sa nikacamiho ntokotoko​—ohikhalavo ekhaikhai. Achu akina annawaniha moorweela wa waakaaha. Munuupuwela wi achu yaawo anaakaaha annawerya oruuha otorokeya? [Muweherye naakhulo.] Moone yeeyo Piipiliya onaloceiye enahaala oruuha otoroka weeparipari veelaponi ya vathi. [Mwaalakhanye Mateyu 6:9, 10] Erevista ela ennaakhula nikoho nla, Waakaaha naakhulo?”

Michaka Yaphaama Yoorweela wa Muluku

“Nnaxekurya ichoko mmakupa anyu wi nuuke muupuwelo woolipiha wa Piipiliya. Ancipale nnalocaahuno annakoha ntakhara heeni Muluku oosivela onneemererya makacamiho mancipale veelaponi. Munuupuwela wi makacamiho yaanapaka makupa a yookhwela yoopacerya ya Muluku ni elapo ya vathi?” Muweherye naakhulo. Vanonto mukhunule yoohuserya 5, nave mwaalakhanye ni othokororya iparagrafo piili soopacerya ni soorempwa ithitimanne. Mvahe eproxura, nave mvaanele okooka wi muthokororye nikoho nnacharela nri nooripa.