Sawooniherya sa Ntakiheryo

Michaka ya Omwene No. 38

“Miyaano kinuuka ekampaanya ya okawa muchaka ola wookhweleya. Ola ti wannyu.”

Wi mmalihe ekulucu, muloce mwawaakuveya. Mmukhalelo mukina namakhala poti wooniherya ochuna nave achune ovaanela. Wakhala hiiha, nyuwano poti omukoha moonelo awe vooloca wa nikoho nnaphwanyeya ohoolo. Mmwaalakhanyerye naakhulo na Piipiliya ntoko enooniheryiwaaya mpuwa, nave muthokororye eponto emoha etratado eryayano, elukuluku yeemererya. Muhaakumve ovinyavo, mmoonihe owo nikoho “Wi Muupuwele” nri oculi nave mpake marehereryo a okooka wi muthokororye eyo.

Sentinela 1 a Novempuru

“Mmoonelo anyu, tuuvi ori wootha otokotoko onalociwa vooloca sa Muluku? [Muweherye naakhulo.] Mwawiiwanana ni Piipiliya, Muluku onachuna wi achu emusivele ni omuroromela yoowo. [Mwaalakhanye Yesaya 41:13.] Erevista ela enooniherya sawootha chaaru sawunlaana vooloca sa Muluku sinaweeriha akina okhala woovila omwaacamela yoowo.”

Despertai! a Novempuru

“Hiyaano nnapaka oxekurya wawaakuveya nthowa nawi ancipale anoona wi meecelo aphaama anakhala wi annamala. Nyuwano munoona wi achu aavukula malakiheryo aya a meecelo? [Muweherye naakhulo.] Piipiliya aahiloherya wi moonelo ni meecelo a achu yahaala otorokeya. [Mwaalakhanye 2 Timoteo 3:1-5.] Erevista ela enathokororya ntakhara heeni hiyaano poti ororomela malakiheryo a meecelo anaphwanyeya mu Piipiliya.”