Wunnuwiha Mavyakelo Ahu Mmuteko Wa Olaleerya—Olaleerya ni Telefoni

NTAKHARA HEENI TI YOOCHUNEYA: Olaleerya ni telefoni ori mukhalelo mmoha wa ‘weerela onamoona michaka ya mahala a Muluku.’ (Saw 20:24)a Ela ennanikhaviherya omulaleerya muchu mikhalelo sawe sihinamweemererya omuxekurya.

MUKHALELO WA WEERANO:

• 

  Mwiirehererye. Muthanle mwaha ori woophwanelela. Voocharela, murehererye mwaha munachunaanyu oloca. Nave tho murehererye muchaka anyu onathariha yoolakelela ya wiichana wanyu, eyo enahaala okhaviherya wakhala wi munahaala waakhela michaka mu ekhankoonya. Ti woochuneya okiraathi vameesa ni mwaha anyu vamoha ni ikaruma ikina seiyo mwaahaalaanyu ochuna opharihela, ntoko ekhankoonya emuhunle JW Library^® naari jw.org^®

• 

  Mukhale oomaaleleya. Muloce mmukhalelo wooyariwano. Mutheyeke nave mooniheryeke ntoko wi munaloca ni muchu owo ethoi ni ethoi. Musepe okukuma. Enamukhaviherya tho olapa vamoha ni akina. Wakhala wi mwaneene a vaate oopaka nikoho, muloce moovuwa wi emukhaviherye nthamwene anyu wookhaviheryaani ophwanya naakhulo

• 

  Mpake mathipelo a oxekurya onacharela. Wakhala wi muchu owo ohooniherya nchuno, munanwerya ohiya nikoho wi mwaakhule mu wiichana onacharela. Nyuwaano tho munanwerya omvaha e-mail, omunnya mukhatiinyu, naari omvonyerya yoolaleeryiwa. Naari tho munanwerya omvaha yoorepa naari mu e-mail emoha ya ixilema sahu naari miyaha. Wakhala woochuneya, mmuleele muchu owo vooloca sa Mwaha wa Yoohuserya ya Piipiliya ya mu Interneti naari Ikaruma ikina sa mu esaiti ahu