“Nkintonko omphwanya Owannyawe!”

Montoko oloca yeela wa muchu yoowo oonihenrye nchuno? Naamwi mwiilipixeryaka omuxekurya muchu moohihiyererya, nlelo hamunawerya ohela maahi evyo ya eparipari yeeyo mminsaanyu. (1 Akor. 3:6) Ikwaha ikina, alaleeryi oovyaka annarepa ekaarata wa muchu yoowo ahiwenryaaya omphwanya owaani, naari wi annahiya echu vamukhorani vawe. Alaleeryi akina aniirehererya woosiilo wa yookacamiha ya ohimphwanya wiiliwiili muchu owaani, nave annamveka numero na telefone, akhweya moorweela wa omukoha, “Koorumiheleeni michaka?” Oxekurya onaphwanela orepeliwa vaavaa nnamuxekuryaahu muchu naari omvaha onamoona moorweela wa ekaarata mail, ohiya muchaka vamukhorani vawe, naari omwiichana ni telefone. Naamwi owo akhalaka ilukuluku vakhaani owaani, ti wooweryeya waaceererya nchuno nawe.