Wunnuwiha Mavyakelo Ahu Mmuteko wa Olaleerya​—Opaka Oxekurya

NTAKHARA HEENI TI YOOCHUNEYA: Achu ancipale anooniherya nchuno na michaka sa Omwene annaavya eparipari vooloca sa Muluku. (Isa 55:6) Wi ntitelele waahusiha, nnaphwanela waaxekuryaka moohihiyererya. Achu annahoolela makacamiho oohiyanahiyana, mwawiihiiha mukhalelo wa winnuwiha nchuno naya onahaala okhala woohiyana. Nyenya nnamukhumelela phaama wakhala wi ninniireherya phaama, ni okhalano yoolakelela ya opaceryiha yoohuserya ya Piipiliya vaavaa nnaaxekuryaahu.

MUKHALELO WA WEERANO YEELA:

• Mwiilipixerye okookelawo moohilekela, akhweya ehivinrevo mahiku awaaca.​—Mat 13:19.

• Mooniherye onthamwene ni ocicimiha. Mukhale oomaaleleya.

• Woopaceryani mmukohe muxelo moohakalala. Mphariheleke nsina nawe waakhala woochuneya. Mmuleele echu eweerinheeni okooka—akhweya wi mwaakhule nikoho nawe, mukuxe erevista esyaani, mmooniherye esaiti ahu, murumihe exilema, naari moonihe mukhalelo wa opaka yoohuserya ya Piipiliya. Mutoroke mwaha munalocaanyu wakhala wi muchu owo onachuna osuwela mwaha mukina.​—Fil 2:4.

• Muhele maahi mmiso weeparipari waaliwe mmurimani mwaya moorweela wa owooniha Soorepa ni waahiyera soolaleeryiwa sahu. (1Kor 3:6) Mweererye opaka onthamwene ni yaawo.

• Mpake mathipelo a oxekurya onacharela.