WIIKHOVELELIHA MUTEKO WA MMACANI

Wunnuwiha Mavyakelo Ahu Mu Orummwa​—Murehererye Mapaceryiho Anyu a Ovaha Irevista

NTAKHARA HEENI TI YOOCHUNEYA: Naamwi mapaceryiho yaawo anakhala va yoochariha ya mithukumano ephariheliwaka, awo arempwale pahiru wi enikhaviherye. Nyuwaano munaphwanela opharihela masu anyu. Akhweya munamuchuna opharihela masu makina naari mwaha mukina yoowo oniiwanana ni ekulucu anyu. Wakhala wi ti hiiha, mwamala waalakhanya erevista, othokororya mapaceryiho a ntakiheryo ni woona exilema ya yawooniherya, munaphwanela ochariha sooleeliherya iha wi mpake mapaceryiho anyu.

MUKHALELO WA WEERANO YEELA:

Mwiikohe: ‘Onamukhala wa mphurelo opharihela mapaceryiho a ntakiheryo?’

AAI

• Murehererye masu oopaceryiha. Mwamala omwenyerya, muloce yoolakelela ya oxekurya wanyu. (Ntoko yootakiherya: “Koorwa vaavaa wi . . . ”)

• Muthokororye mukhalelo wa opaka nikoho, waalakhanya yoorepa ni ovaha erevista. (Ntoko yootakiherya: Wi mwaalakhanye yoorepa muloce: “Naakhulo nookwakwaleya na nikoho nenlo ninnaphwanyeya va.”)

HOOYE

• Muthanle mwaha woochuneya onahaala okhala wa mphurelo mu ekulucu anyu.

• Muupuwelele nikoho na moonelo nenlo nnahaala otannya nchuno wa namakhala nave muchekulele ahiya waakhulana. (Ntoko yootakiherya: Nikoho nnaphwanyeya va epaaxina yanaawiili ya erevista.)

• Muthanle yoorepa wi mwaalakhanye. (Wakhala wi munamvaha Despertai! waalakhanya yoorepa yoochuna ya muchu, woona wi erevista ela enapakiwa wa yaale amusuwele vakhaani Piipiliya naari ahinavekela.)

• Mmuleele namakhala tiheeni onahaaleiye ophura wakhala wi ohaalakhanya mwaha owo.

MAKUPA OOTHENE

• Mpake nikoho noocharela wi mwaakhule mu oxekurya wanaawiili.

• Murepele wi muupuweleke yeeyo munayaanyu oloca oxekurya onacharela.