¿Tlenon tiuelij ijkuak opanok Apachiuilistli?

ToTajtsin okinpopolo akin xkuakualtin niman okinmakixti Noé iuan ichanejkauan (Génesis 7:​11, 12, 23)

Melak chikauak okiyauj ipan cuarenta tonajli niman cuarenta yeuajli, niman tlaltikpaktli oten ika atl. Nochimej tlaltikpakchanejkej xkuakualtin omijkej.

Iluikaktekitkej okikaujteujkej intlalnakayo niman onokuepkej espíritus xkuakualtin.

Akin nemiyaj ijtik akajli omakiskej. Maski sakin Noé iuan ichanejkauan noijki omijkej, toTajtsin oksejpa kinyolitis niman ijkon uelis nemiskej nochipa.

ToTajtsin kinpopolos akin xkuakualtin niman kinmakixtis tlaltikpakchanejkej akin kichiuaj tlen kuajli (Mateo 24:​37-​39)

Satanás niman espíritus xkuakualtin ok kichiujtokej ika tlaltikpakchanejkej maka makitlakamatikan Jehová.

Ipan yejuin tonajli, ijkon ken ipan itonaluan Noé miyekej xkinekij kitlakamatiskej Jehová. Xuejkaujtipan Jehová kinpopolos nochimej akin xkuakualtin (2 Pedro 2:​5, 6).

Sekimej tlaltikpakchanejkej kichiuaj ken Noé, yejuamej kikakij niman kichiuaj tlen kijtoua toTajtsin. Kintokayotiaj iteixpantijkauan Jehová.