Itech tlen tlajtos sección 14

Akin kachtopa kichiuayaj ken Cristo otenojnotskej kuajli tlajtoltin itech Tekiuajyotl ipan nochi tlaltikpaktli. Jesús okimititi kanon tenojnotsaskiaj, niman melak temojkatlachialti kenon okinpaleui matemachtikan ika miyekej tlajtoltin. Jehová okinmakak yolchikaualistli niman kojtilistli, ijkon ueliskiaj kixikoskiaj ijkuak kintlaueltokaskiaj.

Jesús okichiuj ika Juan, itlatitlankauj, makita ipan se tlatlachalistli iueyilis Jehová. Ipan okse tlatlachalistli, Juan okitak kenon Tekiuajyotl tlen onka iluikak okitlan Satanás niman nochi tlen kiyekana. Juan okitak Jesús ken se Tekiuaj, niman iuan tlayekanayaj 144,000. Noijki okitak ika tlaltikpaktli nokuepa se kualtsin xochitlalpan kampa nochimej kiueyichiuaj Jehová san sekan niman ika yolseuilistli.