Matomachtikan melak kuajli matitenojnotsakan: Matitenojnotsakan ika teléfono

TLEKA MELAK NONEKI. Ijkuak titenojnotsaj ika teléfono, tikteijliaj tlen kualtsin kichiuas toTajtsin (Hch 20:24).a Niman ijkon, uelis tiknojnotsaskej yakaj akin xueli tikonitaj ichan.

KENON TIKCHIUASKEJ

• 

  Xmomachti. Xtlapejpeni itlaj tlen kinekiskej kikakiskej. Xkijkuilo tlen uelis tikijtos. Kuajli yes tla tikpiya ipan momesa yejon tlen yotikijkuilo niman okseki tlen mitspaleuis, ken se celular noso tableta kampa tikpiyas JW Library^® noso jw.org^®.

• 

  Maka xmomojti. Xtlajto ken nochipa titlajtoua. Xuetska niman xchiua ken nochipa tikchiuani kentla tikitstoskia akin tiknojnotsa. Maka xmoteteltijtiuj tla xnoneki. Kuajli yeskia tla yakaj iuan titenojnotsa. Tla akin tiknojnotsa, mitstlajtoltia itlaj, chikauak xkijto niman ijkon akin iuan titenojnotsa uelis mitspaleuis xtlanankili.

• 

  Xtlajtolti itlaj niman ijkon uelis oksejpa tikonnotsas. Tla akin otiknojnots kineki okse itlaj kimatis, xkontitlanili se amatlajkuilojli ipan Internet, correo noso xmakati. Noijki uelis tiktitlanilis se video noso se tlamachtijli ipan mensaje noso correo electrónico. Tla tikita ika kuajli yes, xkijli makita itlaj ipan página tlen tikpiyaj ipan Internet.