Ken uelis timomachtis
Xkintsontekontlali tlakuikaltin tlen kichikauaj totlaneltok
“Ijkuak sanoyej ninajmana, Jehová nechyolchikaua ika tlakuikaltin tlen kisaj ipan JW Broadcasting®” (Lorraine, Estados Unidos).
Akin kichiuaj ken Cristo nochipa nokuikatiaj para kiueyichiuaskej Jehová (Col. 3:16). Tla tikintsontekontlalia tlakuikaltin, mitspaleuis xmokuikati ijkuak xtikpiyas moamatlakuikal noso se aparato electrónico. ¿Tlenon mitspaleuis xkintsontekontlali? Uelis tikchiuas yejuin:
Xxelo tiempo para tikinamapouas tlakuikaltin niman tikinmasikamatis. Ijkuak itlaj tikasikamatij, nimantsin tikilnamikij. Ipan jw.org uelis tikinamapouas nochi tlakuikaltin, hasta tlen kisaj ipan JW Broadcasting niman tlen kichijchiuaj para kokonej. Tla tikneki tikinnextis, xuiya kampa kijtoua “Amatlajkuiloltin” niman sakin kampa kijtoua “Tlatsotsonajli”.
Xkijkuilo ipan se amatl. Yejon mitspaleuis xkintsontekontlali tlakuikaltin tlen kichikauaj totlaneltok (Deut. 17:18).
Xmomajmachti. Miyekpa xkamapoua niman chikauak xmokuikati.
Xkita tla yotiktsontekontlali. Xyejyeko xkilnamiki se tlakuikajli niman sakin xkita tla nochi otikilnamik.