¿Tleka otexchijchiuj toTajtsin?

Tlen Biblia kijtoua

Yejuin miyekej uelis notlajtoltiskej, sekimej kanaj uelis kinemiliskej: “¿Tleka nikan tinemij?, noso ¿tleka otexchijchiuj toTajtsin?”. Biblia kijtoua ika toTajtsin otexchijchiuj niman ijkon iuan matouikakan. Para más tikasikamatiskej yejuin, matikitakan seki tlen temachtia Biblia.

• ToTajtsin totlachijchiujkauj. Biblia kijtoua: “Xmatikan ika toTEKO yejua Dios. Yejua otechchijchiu, niman tejuamej titeyaxkauan itech” (Salmo 100:3; Apocalipsis 4:11).

• ToTajtsin xotexchijchiuj niman xokichijchiuj nochi tlen onka, para san ijkon maonia, yejua kimatstika tleka otexchijchiuj (Isaías 45:18).

• Ijkuak toTajtsin otexchijchiuj, okichiuj ika tejuamej matiuelikan matijkakikan iTlajtol niman matiktlakamatikan. Yejua ijkon otexchijchiuj pampa kineki iuan matouikakan niman matikasikamatikan tleka otexchijchiuj (Salmo 145:16).

• Tikteititiaj ika tiknekij tijkakiskej niman tiktlakamatiskej iTlajtol toTajtsin ijkuak tokojtiliaj tikixmatiskej niman iuan touikaskej, yejuin tinochimej uelis ijkon tikchiuaskej. Biblia kijtoua “xnisiuikan Dios niman yejua mechnisiuis” (Santiago 4:8; 2:23).

• Para uelis touikaskej iuan toTajtsin noneki tiktlakamatiskej. Biblia techijlia ika yejua otexchijchiuj para matiktlakaitakan, matiktlasojtlakan niman matikchiuakan tlen yejua technauatia (Eclesiastés 12:13).

• Ika tlayekapan, toTajtsin kipopolos nochi tlen techtlajyouiltia niman kinmakas nemilistli tlen xkeman tlamis nochimej akin kitlakamatij. Ijkuak ajsis yejon tonajli, tinochimej tinemiskej ijkon ken toTajtsin kinekiya ijkuak otexchijchiuj (Salmo 37:10, 11).