Ko e Ha ne Kumikumi e Lotu?

Liga lata a koe ke iihi ha ko e gagao hagahaga kelea. To manako a koe ke mauokafua katoatoa ke he tagata iihi, ha kua fakalago e moui haau ki a ia. To pulotu nakai ke kumikumi ke he tau fakamauaga gahua haana?

Pihia foki, kua pulotu ke kumikumi fakamitaki ke he lotu. Ka fai lotu a koe, kakano ai kua tuku e koe e moui fakaagaaga haau ke he lotu ia. Putoia he mena nei e amaamanakiaga haau ma e fakamouiaga.

Ne foaki e Iesu e puhala ke lagomatai a tautolu ke fifili fakamitaki e lotu. Pehē a ia: “Ko e tau akau takitaha mo e iloa ai he hana tau fua.” (Luka 6:44) Ma e fakatai, ka onoono a koe ke he taha lotu, ko e heigoa e tau fua kua tutupu mai ai? Hagaaki lahi kia e tau takitaki he lotu ia ke he tau tupe? Mumuitua nakai e tau tagata he lotu ia ke he tau matapatu fakaakoaga he Tohi Tapu hagaao ke he felakutaki mo e tau mahani? Fakahiku ai, na fai lotu nakai kua lata ke falanaki ki ai? Uiina e mautolu a koe ke kumikumi ke he tau vala tala ka mui mai.