Tau Feleveiaaga Fekafekau ma Mati
Fahi Tapu Kamata ia Mati 1
Lologo 33
8 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu.
17 minu: “Fakamanatu he Lalolagi Katoa e Mate he Keriso.” Tau huhu mo e tau tali. Putoia foki e tau manatu mai he Fepuari 1, 1997, Kolo Toko, lau 24-25, paratafa 10-14. Fakamamafa ke he puhala kua maeke e fakaalofa lahi a Iehova ke foaki e lukutoto ma tautolu.
20 minu: Tau Kakano kua Omoomoi ke Paionia Fakaku ia Aperila mo Me. Lauga mai he fekafekau leveki ti fakatutala auloa, fakamalolo oti ke kikite maeke nakai ke paionia fakaku. Liu fakamanatu e hikihikiaga he tau magaaho poaki ma e tau paionia tumau mo e fakaku, ne fakatoka mai he Ianuari 1999 Ha Tautolu a Fekafekauaga he Kautu, lau 3. Kua lata he hikihikiaga nei ke fakata e tokologa ke aoga mai he fekafekauaga fakatumau nei. Talahau kua eke fefe e fakaaue ha tautolu he poa a Keriso ke omoomoi ai a tautolu ke eketaha he fakamatala kia falu. (2 Kori. 5:14, 15) Kua to e Fakamanatuaga he tau nei ke he aho fakamua ia Aperila. Kua mitaki ha e fakaohoohoaga nei ma e tau tagata fakailoa oti he Kautu ke tuku atu e mahina katoa ke fakalaulahi e fekafekauaga! Fifili mo e liu fakamanatu matafeiga e tau uho he Ha Tautolu a Fekafekauaga he Kautu ia Fepuari 1997 mo Mati 1998 hagaao ke he gahua paionia fakaku. Kikite e tau puhala ke fakaaoga e tau setulu ne fakatoka mai. Liu fakamanatu e tau fakatokatokaaga ke he fonua, ne fakata ai e tau magaaho ke gahua fakalataha he fekafekauaga mo e falu. Fakamafana e tau tagata fakailoa ke moua mai e tau tohi ole paionia fakaku ka oti e feleveiaaga.
Lologo 44 mo e liogi fakaoti.
Fahi Tapu Kamata ia Mati 8
Lologo 52
10 minu: Tau fakailoaaga he matakavi. Fakailoa e tupe.
20 minu: “Uiina a Lautolu ke O Mai.” Tau huhu mo e tau tali. Fakamafana atu tumau e manako ki a lautolu ne fakalataha mai fou ke takitaki atu ke he tau fakapotopotoaga. Fakatata e fakatutalaaga mo ia ne fakalataha fou, fakaaoga ai e vala tala he tohi Iloilo, lau 159, paratafa 20, mo e lau 162-3, paratafa 5-8. Fakamafana oti ke gahua fakalahi atu ke lagomatai a lautolu ne fakaako Tohi Tapu mo e falu foki ne fiafia mai ke fakalataha ke he Fakamanatuaga he Aperila 1. Fakakite taha lagaki he uiina, ti talahau e puhala ke fakaaoga lauia mitaki. Lata oti ke tufatufa e tau uiina he Fakamanatuaga he tapu nei.
15 minu: “Gahua Fakalataha Fefe e Tau Tagata he Magafaoa—Ke he Tau Feleveiaaga he Fakapotopotoaga.” Fakatutalaaga he magafaoa. He tutala auloa mai a lautolu ke he tau matapatu manatu he tala, matutaki a lautolu ke he tau puhala ke tauteute auloa e magafaoa ma e tau feleveiaaga. Tutala ke he tau puhala ke felagomataiaki mo e gahuahua i ai mo e heigoa kua lata ke taute ke hohoko atu ke he tau feleveiaaga he tau magaaho fafati.
Lologo 62 mo e liogi fakaoti.
Fahi Tapu Kamata ia Mati 15
Lologo 56
10 minu: Tau fakailoaaga he matakavi. Kikite e vala “To Fano Nakai a Koe?”
15 minu: “Foaki he Tau Fekafekau Lagomatai e Tau Gahua Uho.” Lauga mai he taha matua fekafekau lagomatai. Liu fakatutala ke he tau matapatu tala he tohi Our Ministry, lau 57-9. Fakamaama mai kua fakaaoga fefe e tau fekafekau lagomatai ke leveki e fakapotopotoaga.
20 minu: Fiafia ke he 1999 Yearbook. Tutala e tane mo e hoana. Fakamaama he tane kua lomi fakamua e Yearbook mai he 1927 ti molea tai 70 e tau, ne putoia i ai e tau fakailoaaga he Tau Fakamoli a Iehova he lalolagi. Liu fakamanatu e laua e tau matapatu tala mai he lau 31, ke he “Katoatoa he 1998.” Ati fetutalaaki he “Tohi Mai he Kau Fakatufono,” he lau 3-5, mo e muitua ai fefe a laua ke he fakamafanaaga ne foaki mai.
Lologo 68 mo e liogi fakaoti.
Fahi Tapu Kamata ia Mati 22
Lologo 162
10 minu: Tau fakailoaaga he matakavi. Totou e tau higoa ha lautolu ka paionia fakaku ia Aperila. Fakamaama ko e nakala tomule agaia ke tuku e tau tohi ole. Fakatoka atu e setulu katoa ke fakapotopoto he fonua ia Aperila. Fakamafana oti ke muitua ke he totouaga he Tohi Tapu ke he Fakamanatuaga ia Mati 27–Aperila 1, ne fakatoka mai he Examining the Scriptures Daily—1999 mo e he 1999 Calendar.
15 minu: Mautauteute ma e Fakamanatuaga. Ko e lauga. Lata oti ke lagomatai e tau tagata fakaako Tohi Tapu mo lautolu ni ne fiafia foki ke fakalataha ke he Fakamanatuaga. Kia lautolu fou, to liga nakai maama ko hai kua lata ke kai e tau mena fakatai po ke alito he fakamanatuaga. Liliu ke fakamanatu e tau mena kua talahau he Aperila 1, 1996, Kolo Toko, lau 6-8, mo e fakakite e tautolu e puhala ke lagomatai aki a ia ne hau fou ke iloa e kakano mo e finagalo he fiafiaaga nei. Fakaoti aki mo e vala ke he “Tau Fakamanatu he Fakamanatuaga” mo e fakatokaaga he tau fakaholoaga he Fakamanatuaga.
20 minu: What Happens to Us When We Die? Tutala mai he motua e aoga mo e uho he porosua nei mo e ua po ke tolu e tau tagata fakailoa matua. Kua mahani tuai a tautolu mo e porosua nei ne fakaako he Fakaakoaga Tohi he Fakapotopotoaga. Kua fakaaoga lauia mitaki nakai e tautolu he fonua? Tutala mai e matakau he tau mena na: Ko e ha ai kua loga e tau tagata ne fia iloa ke he tala nai? Kehe mai he tau fakaakoaga lotu fakavai, ko e heigoa e amaamanakiaga kua fakamatafeiga e porosua nei ki ai? Maeke fefe ia tautolu ke fakaaoga e tau huhu i tua he kili ke omoomoi e talia fiafia? Ko e heigoa e tau magaaho kua ata ke foaki e porosua nei? Fakatata taha fakataiaga mai he tau kupu Tohi i loto he paratafa 14 he lau 27. Fakamafana oti ke mataala ke fakaaoga fakamitaki e porosua nei.
Lologo 92 mo e liogi fakaoti.
Fahi Tapu Kamata ia Mati 29
Lologo 111
12 minu: Tau fakailoaaga he matakavi. Fakamanatu oti ke tuku e tau hokotaki fonua ha lautolu ma Mati. To foaki e tautolu e tau Kolo Toko mo e Awake! ia Aperila. Fakakite hake e falu fufuta mekasini fou, mo e tau vala tala i ai, ti kikite tonu e mena ke tutala ki ai. Kia lata oti ke uta fano e tau porosua Manako ti fakaaoga ai ke kamata e tau fakaakoaga Tohi Tapu mo lautolu ne manako ki ai.
15 minu: Tau mena kua lata ma e fakapotopotoaga.
18 minu: Lata a Tautolu ke Tali Fefe ka Fakatonu? Lauga he motua. Na fehagai a tautolu oti mo e tau fakatonuaga ke he ha tautolu a tau aga, mahani, fakalatahaaga, po ke tauteuteaga he tau gahua he fakapotopotoaga. Fa mahani a tautolu ke totoko ka fakatonu po ke fa ita. Ko e makai ke talia mo e fakaaoga e fakatonuaga ko e mena mua atu e aoga ke he malolo fakaagaga ha tautolu. Liu fakamanatu e falu kakano ne kua lata ia tautolu ke talia mo e fakaaue ke he tau fakatonuaga.—Kikite e Aperila 1, 1987, Watchtower, lau 27-30.
Lologo 118 mo e liogi fakaoti.