Tala Mooli Hagaao ke he Kautu he Atua
Fakaako e Iesu e tau tutaki haana ke liogi: “Ha mautolu a Matua na e, ha ha he lagi, kia tapu hau a higoa. Kia hoko mai hau a kautu. Kia eke hau a finagalo ke he lalolagi, tuga ne eke ke he lagi.” (Mataio 6:9, 10) Ko e heigoa e Kautu he Atua? Ko e heigoa ka taute ai? Mo e ko e ha kua lata a tautolu ke liogi hagaao ki ai?
Ko Iesu e Patuiki he Kautu he Atua.
Luka 1:31-33: “Ti fakahigoa e koe a ia, ko Iesu. To homo a ia, to talahaua a ia ko e Tama hana ne Mua ue atu; to foaki atu he Iki ko e Atua kia ia e nofoaiki a Tavita hana matua; To eke a ia mo Patuiki he faoa a Iakopo tukulagi; ko e hana kautu foki nakai fai fakaotiaga ia.”
Ko e Kautu e matapatu manatu he fakamatala ha Iesu.
Mataio 9:35: “Kua haele fano a Iesu ke he tau māga oti, mo e tau magamotu, kua fakaako ke he tau sunako ha lautolu, mo e fakamatala e vagahau mitaki he kautu, kua fakamalolo foki e ia e tau gagao oti, mo e tau tagata mamahi oti he motu.”
Foaki e Iesu ke he tau tutaki haana e fakamailoga ke lagomatai a lautolu ke iloa e magaaho ka hoko mai e Kautu.
Mataio 24:7: “Ha ko e mena to laga e taha motu ke he taha motu, ko e taha kautu ke he taha kautu; to ha ha i ai e tau hoge, mo e tau tatalu, mo e tau mafuike ke he taha mena mo e taha mena.”
Fakamatala e tau tutaki ha Iesu mogonei hagaao ke he Kautu ke he lalolagi katoa.
Mataio 24:14: “To fakamatala atu foki e tala mitaki nai he kautu ke he lalolagi oti, ke eke mo talahau ke he tau atu motu oti; ti hoko mai ai e fakaotiaga.”