Kakano he Ofania e Tautolu e Our Whole Association of Brothers
He lalolagi nakai fakaalofa nei, maeke fefe a tautolu ke fakatumau e fakaalofa velagia ha tautolu ke he tau matakainaga fakaagaga ha tautolu? (1 Pete. 2:17) Maeke fefe a tautolu ke fakakite ke he falu kua gahuahua lahi e fefakamatakainagaaki moli ha tautolu he lalolagi katoa? (Mata. 23:8) Puhala mai he vitio Our Whole Association of Brothers. Kua fakakite e tau kakano kua fefakaalofaaki a tautolu. Kitia ko e maeke nakai ia koe ke tali e tau huhu nei:
(1) Ko e heigoa e tau gahua tolu kua fa fakalataha a tautolu mo e tau matakainaga ha tautolu he lalolagi katoa ke taute? (2) Fakakite fefe he tau matakainaga ha tautolu e fifiliaga ke fakamatala (a) he tutakale i Alasaka, (e) ke he tau uaafo lalahi i Europa, mo e (i) ke he tau uho vao i Peru? (3) Ko e heigoa e kanavaakau lauia mitaki pauaki mo fakamatala? (4) Ko e ha kua nakai lata ia tautolu ke logona hifo ko e gahua noa ni e fakamatala atu? (5) Talahau e tau fakataiaga ke he tau puhala ne fefakamafanaaki mo e felagomataiaki he Tau Fakamoli a Iehova e falu he tau magaaho tupetupe—tau mafuike, tau afa, mo e tau felatauaki. (Kikite e talahauaga ha Takao he lau 23 he Awake! ia Aokuso 22, 1995, mo e ha Kotoyo he lau 20 he Awake! ia Oketopa 22, 1996) (6) Ko e heigoa e tau puhala aoga kua maeke ia tautolu oti ke fakatata e fakamailoga lahi nei he fefakamatakainagaaki Kerisiano ha tautolu? (Ioane 13:35) (7) Tokoluga fefe e aoga he tau feleveiaaga he fakapotopotoaga ha tautolu ki a tautolu? (8) Maeke fefe he fai Fale he Kautu ke feleveia ai ke lauia a lautolu ne nakai fai fale pihia fakamua? (9) Hao fakaagaga fefe e tau matakainaga ha tautolu i Europa Uta mo Rusia i lalo hifo he paaga? (10) Pihia agaia mogonei, ko e heigoa e laliaga lahi kua fakakite he Tau Fakamoli tokologa ke hohoko atu ke he tau fonoaga, ti ko e ha? Amotia fefe he mena nei e loto hau? (11) Ko e ha ne fifili a koe ke tapuaki fakalataha, ke lagomatai e falu he tau magaaho kua lata, mo e fakamatala tua fakamoli he ha magaaho mo e ha puhala kua maeke ia koe? (12) Ko e ha kua mitaki ke fai lagaki fakatagata he vitio nei mo e fakakite ai ke he tau tagata tokologa ne manako?