Setulu he Tau Feleveiaaga Fekafekau

Faahi Tapu Kamata ia Ianuari 14

Lologo 16 (143)

10 minu: Tau fakailoaaga he matakavi. Fifili e Tau Fakailoaaga mai he Ha Tautolu a Fekafekauaga he Kautu. Fakaaoga e tau manatu he lau 8 po ke falu fakataitaiaga ne felauaki mo e fonua ha mutolu, fakatātā e puhala ke foaki e Kolo Toko, Ianuari-Mati mo e Awake! ia Ianuari.

15 minu: “Fakaaoga Fakamitaki e Magaaho Haau he Fekafekauaga.”a Hūhū tala ke he matakainaga taane ne fakatoka e fakafifitakiaga mitaki he takitaki e matakau ma e gahua he fonua. Ko e heigoa haana ne taute ke fakatokatoka ke uta e matakau mo e fakaaoga fakalahi e magaaho he fekafekauaga?

20 minu: “Aua Neke Noa ha Mutolu a Tau Kupu mo e . . . Fakamasima ke he Masima.”b He fakatutala ke he paratafa 2, totou e Ioane 4:7-15, 39.

Lologo 11 (85)

Faahi Tapu Kamata ia Ianuari 21

Lologo 7 (51)

10 minu: Tau fakailoaaga he matakavi. Talahau e tohi ka foaki ma Fepuari, ti fakatātā taha e fakataitaiaga. Fakamalolō e tau tagata oti ke onoono e vitiō Transfusion-Alternative Health Care​—Meeting Patient Needs and Rights he tauteute ma e fakatutalaaga ka fakahoko he Feleveiaaga Fekafekau he faahi tapu he mautauteute ma e fakatutalaaga ia Fepuari 4.

10 minu: Fakaaoga Nakai e Koe e Kumikumi e Tau Tohiaga Tapu he Tau Aho Takitaha? Lauga mo e fakatutalaaga auloa ne fakavē ke he folafolaaga he Kumikumi e Tau Tohiaga Tapu he Tau Aho Takitaha​—2008. Fakatutala ke he aoga lahi he fai magaaho he tau aho takitaha ke manamanatu ke he kupu Tohiaga Tapu mo e tau talahauaga. Uiina e toloaga ke talahau e fakaholoaga ha lautolu he taute e kupu tohi mo e puhala kua aoga ki a lautolu. Taha po ke ua e talahauaga ka fakatoka tuai. Fakamaama fakakū e lauga he tau ma e 2008.

25 minu: “‘Kia Talahau Fakatonu Atu e Tala Mitaki.’”c (Tau para. 1-10) Ke taute he leveki fekafekau. Hūhū tala ke he taha po ke tokoua e tagata fakailoa ne paionia fakakū he tau kua mole pete ne lavelave po ke tau matulituli fakatino. Maeke fēfē a lautolu ke taute ai? Ko e heigoa e tau olioli ne moua e lautolu? He tutala ke he paratafa 7, fakatoka e setulu ma e tau feleveiaaga ke he gahua he fonua ia Mati, Aperila, mo Me.

Lologo 9 (37)

Faahi Tapu Kamata ia Ianuari 28

Lologo 8 (53)

10 minu: Tau fakailoaaga he matakavi. Fakamanatu ke he tau tagata fakailoa ke tuku e tau hokotaki he gahua ke he fonua ma Ianuari. Totou e hokotakiaga fakatupe mo e tau fakatokaaga mena fakaalofa. Fakavē e fakatutalaaga auloa ke he Kolo Toko Ianuari-Mati mo e Awake! ia Fepuari. He mole e talahau fakakū hagaao ke he tau fufuta takitaha, hūhū ke he toloaga ko e tau vala tala fe ne fiafia ki ai e tau tagata he fonua mo e ko e ha. Uiina e toloaga ke talahau falu manatu pauaki he tau vala tala ne fakatoka e lautolu ke fakamaama. Ko e heigoa e hūhū ka talahau ke kamata e fakatutalaaga? Ha fe e kupu tohi he vala tala ka totou? Maeke fēfē e kupu tohi ke matutaki ki ai? He fakaaoga e tau fakafeleveia fakataitai he lau 8, ti fakatātā e puhala ka foaki e tau mekasini takitaha.

20 minu: “‘Kia Talahau Fakatonu Atu e Tala Mitaki.’”d (Tau para. 11-17) Ka moua e tau uiina pauaki he Fakamanatuaga, tufa e lagaki ke he tau tagata oti he toloaga ka fakatutala e paratafa 14. Kia fakatoka e tau fakaholoaga he fakapotopotoaga ke tufa ai ke he fonua.

15 minu: “Lagomatai e Tau Tagata Fakaako Tohi Tapu ke Eke mo Tau Tagata Fakailoa he Tala Mitaki he Kautu.”e Ka fai magaaho, uiina e toloaga ke fakamaama e tau kupu tohi ne tutū ai.

Lologo 13 (124)

Faahi Tapu Kamata ia Fepuari 4

Lologo 6 (45)

10 minu: Tau fakailoaaga he matakavi. Liu Fakamanatu e Puha Hūhū.

10 minu: Tau mena kua lata mo e fakapotopotoaga.

25 minu: “Kua Fakatuai Kia a Koe?” Ke taute he motua. Ti kamata agataha e fakatutalaaga mo e toloaga ke he vitiō Patient Needs and Rights, he fakaaoga e tau hūhū kua foaki he vala tala. Fakahiku ai, totou e paratafa fakaoti mo e fakamalolō oti ke liu fakamanatu fakamatafeiga e tau vala tala ne tutū ai mai he Kolo Toko mo e Ha Tautolu a Fekafekauaga he Kautu. Fakamaama e puhala ki a lautolu takitokotaha ne nakaila taute ia ke fakaaoga e tau laupepa lagomatai he uho he Ha Tautolu a Fekafekauaga he Kautu ia Novema 2006 ke taute e tau fifiliaga fakatagata hagaao ke he tau vala toto mo e tau fakatokaaga fakaekekafo ti hiki atu e lagaki he tau fifiliaga haana ke he laupepa HCD. Ko e tau tagata ne fitā e fakapuke e HCD ne manako ke liu fakamanatu e tau fifiliaga fakamua ha lautolu, ti ka lata, kia fakapuke e laupepa foou.

Lologo 17 (187)

[Tau Matahui Tala]