Fakatolomaki ki Mua e Lotomatala ha Tautolu he Fekafekauaga​—Fakatoka e Fakavēaga ma e Liu Aahi Atu

Kakano kua Aoga Ai: Ka moua e tautolu e tagata ne fakakite e fiafia, kua manako a tautolu ke liliu atu ka haia a ia i kaina ke maeke ke fakamalū e tega he kupu mooli ne tō e tautolu. (1 Kori. 3:6) Ti ko e mena kua lata ke taute e tautolu ato toka a ia, ko e fakatoka e fakavēaga ma e liu aahi atu he kumikumi ko e magaaho fe ka maeke a tautolu ke liu atu. Ke lafi ki ai, kua mitaki ke toka e hūhū ke fakatutala ki ai ka liliu atu a tautolu. To feaki e amaamanaki he tagata he kaina ke he liu aahi atu, ti kaeke ko e tali haia he tohi ne toka hifo e tautolu mo ia, to liga fiafia a ia ke totou ai. He fakatoka e fakavēaga ma e fakatutalaaga he mogo i mua to mukamuka foki ke liu atu ha kua fitā e moua e matapatu he fakatutalaaga, ti iloa he tagata he kaina e mena ke amanaki ki ai. Ka liu ke feleveia mo ia, maeke ke fakamaama kua liliu atu a tautolu ke tali e hūhū ne toka hifo he aahi atu kua mole ti matutaki e fakatutalaaga.