4 Fakamagalo

KO E KAKANO

Ke fakamagalo kua kakano ke fakatoka kehe e ita mo e tau logonaaga fakafualoto ne liga tupu. Ko e fakamagalo kua nakai lata ke fakatote e hehē po ke fakatupua kua nakai tupu ai.

MATAPATU FAKAAKOAGA HE TOHI TAPU: “Kia fefakaukaaki a mutolu, mo e fefakamagaloaki, kaeke kua mahani kelea taha kia taha.”​—Kolose 3:13.

“Ka fakaalofa a koe ke he taha tagata kua nakai hagaaki a koe ke he tau hehē haana ka eketaha a ia ke taute e mena kua mitaki.”​—Aaron.

KAKANO NE AOGA

Ka fakatumau a koe ke fakafualoto, maeke a koe ke fakalekua e malolō tino mo e manamanatuaga haau​—ti maeke foki a koe ke moumou e fakamauaga haau.

“Taha mogo ne fakamolemole e taane haaku ke he mena ne mamahi lahi au. Uka ia au ke fakamagalo a ia. Fakahiku ti fakamagalo e au ka e tokihala au he nakai taute tuai. Fakalolelole teao he mena ia e fakamauaga ha maua.”​—Julia.

MENA KE TAUTE E KOE

MANAMANATU HIFO

Ka hukia a koe he taha mogo ha ko e mena ne talahau po ke taute he hoa haau, hūhū hifo:

• ‘Molea kia e taputelegia haaku?’

• ‘Kelea lahi kia e lekua ti lata au ke moua e fakamolemole, po ke fakanimo ai e au?’

TUTALA MO E HOA HAAU

• Fiha e leva to fefakamagaloaki a taua?

• Ko e heigoa ka taute e taua ke mafiti ke fefakamagaloaki?

TAU PUHALA

• Ka ita a koe, ua manatu kelea ke he hoa haau.

• Lali ke fakamagalo e mahani he hoa haau, he manatu “ko e tau mena loga kua hehe ai a tautolu oti.”​—Iakopo 3:2.

“Mukamuka ke fakamagalo ka hepe tokoua a maua, ka e tuga kua uka lahi ka taha ne hepe. Ko e talia e fakamolemole mo e fakamagalo kua fakatokolalo mooli.”​—Kimberly.

MATAPATU FAKAAKOAGA HE TOHI TAPU: “Kia fakafeilo fakaave.”​—Mataio 5:25.