Maama ke he Falu

1 Korinito 14:9

MENA KE TAUTE: Lagomatai e tau tagata fanogonogo haau ke maama e kakano he fekau.

PUHALA KE TAUTE AI:

• Fakaako fakamakutu e vala tala. Maama mitaki e matakupu ke maeke a koe ke fakamaama he puhala mukamuka mo e he tau kupu ni haau.

• Fakaaoga e tau kupu kūkū mo e tau talahauaga mukamuka. Ua fakaaoga e tau kupu loloa ke fakamaama aki e tau matapatu manatu ne manako a koe ke iloa he toloaga.

• Fakamaama e tau kupu nakai fa mahani. Fakatote hifo e fakaaoga he tau talahauaga ne nakai mahani e tau tagata fanogonogo haau ki ai. Ka lata a koe ke hagaao ke he tau kupu nakai fa mahani, ke he tagata he Tohi Tapu, puhala ne fuafua he vahā i tuai, po ke aga fakamotu, talahau e fakamaamaaga.