Ko e Heigoa ne Talahau he Tohi Tapu?

Maeke nakai e Tohi Tapu ke lagomatai a koe ke fehagai mo e fakaatukehe?

Ko e heigoa haau ka talahau?

• Ē

• Nakai

• Liga

Talahau he Tohi Tapu

“Kia tuku atu kia ia [Atua] e tau mena oti kua fakaatukehe ai a mutolu, ha ko e mena kua manatu e ia a mutolu.” (1 Peteru 5:7) Fakamafana mai he Tohi Tapu kua maeke e Atua ke lagomatai a koe ke moua e fakatotokaaga ke he tau fakaatukehe haau.

Ko e heigoa foki ha tautolu ka fakaako mai he Tohi Tapu?

• He liogi, maeke a koe ke moua e “monuina [mafola] foki mai he Atua” ka fakatotoka e fakaatukehe.​—Filipi 4:6, 7.

• Lafi ki ai, ko e totou he Kupu he Atua ka lagomatai a koe ke fahia ke he tau tupetupe.​—Mataio 11:28-30.

To utakehe nakai e fakaatukehe?

Talitonu falu tagata . . . ko e fakaatukehe mo e tupetupe ko e vala he tuaga he tagata, ka e talitonu falu to fakatotoka hokoia ni e fakaatukehe ka mole e mate. Fēfē e manatu haau?

Talahau he Tohi Tapu

To utakehe he Atua e tau mena ne fakatupu e fakaatukehe. “Ti nakai tuai fai mate, po ke fakatutuku, po ke tagi, ti nakai tuai fai matematekelea.”​—Fakakiteaga 21:4.

Ko e heigoa foki ha tautolu ka fakaako mai he Tohi Tapu?

• I lalo hifo he Kautu he Atua, to nonofo mafola mo e monuina e tau tagata.​—Isaia 32:18.

• To nakai liu manatu e fakaatukehe mo e tupetupe.​—Isaia 65:17.