Fakaholoaga Fou he Aho Toloaga Uho

Ko e fakatokaaga ma e tau aho toloaga uho ne kamata he 1987. Kua fakamoli tuai he tau fakapotopotoaga nei ke ati hake e tau fekafekau a Iehova mo lautolu ne fiafia kua omai. Kamata ai ia Sepetema 1998, to fakatoka e fakaholoaga fou he aho toloaga uho. To kitia e koe he tau tala hiva mo e tau huhu tala kehekehe mo e tau talahauaga ne foaki kua lahi e aoga fakaagaga.

Ko e matapatu manatu he fakaholoaga fou ko e “Fakakite e Fakaaue ma e Laulau a Iehova.” (Isa 65:14; 1 Kori. 10:21) To fakamalolo ai ha tautolu a fifiliaga ke tuku fakamua ha tautolu a tapuakiaga ki a Iehova he tau momoui ha tautolu. (Sala. 27:4) To vagahau e fekafekau leveki he takaiaga he “Kumikumi e Tau Fakafiliaga he Loto ha Tautolu” hagaao ke he tau oaga ha tautolu he tau feleveiaaga. Taha e matakainaga uiina ke vagahau ka fakakite ki a tautolu e puhala ke “Fakatumau e Mahani Fakaagaga he Fagai ai ke he Laulau a Iehova.” To foaki foki ke he tau fuata he fakatokatokaaga a Iehova e tau puhala mafanatia ke mauokafua tumau ke fekafekau ke he Atua. Ko e matapatu manatu he matakainaga ka vagahau, ne fakahigoa “Puipui Fakaagaga ke Foaki e Fakamatalaaga Fakamalolo,” ka fakakite e tau puhala ne eke mai he tau fakapotopotoaga ke lagomatai aki a tautolu ke fakamatala fakamalolo e Kautu. Ko hai kua nakai manako ke aoga mai he fakaholoaga nei?

Ko lautolu ne tukulele fou ne manako ke papatiso kua lata ke fakailoa fakamafiti atu ke he fekafekau leveki. Kua tua a tautolu he kamata ai e tau ke 12 aki ha tautolu he tau fakatokaaga he aho toloaga uho, ko lautolu oti ka omai to ati hake fakaagaga ke he gahua i mua.