Fai Ota Fakamau Tumau Nakai a Koe?
1 Fa finatu nakai a koe ke he feleveiaaga he fonua ti kitia kua nakai fai mekasini he kato fakamatala hau? Ka pihia, liu fakamanatu ke he uho ia Aperila 1996 Our Kingdom Ministry ne ui “Fakaaoga Fakamitaki e tau Mekasini ha Tautolu.” Ne talahau mai ke “fakamau tonu e ota mekasini,” pehe mai: “Fakamau e ota kua lata moli ke he matakainaga ne leveki e tau mekasini ma e tau lagaki kua lata he tau fufuta takitaha. Kakano anei, to ha ha ki a koe mo e hau a magafaoa e fuafuaaga kua lata mo e fakamau tumau e tau mekasini.” Kua taute nakai e koe e mena nei?
2 Ka e ha he fakamau tumau e ota ma e tau mekasini? To logona ki a koe ko e matagahua lahi a ia ke tufatufa ai e tau mekasini fakafahitapu tumau, ti holo ki mua e fiafia hau he gahuahua pihia. Kaeke kua fita e ota hau he fakamau, liu kikite kua lava nakai e fuafuaaga hau ke he gahua he fekafekauaga. Moli foki, kua lata a tautolu he fakamoli ke oko e tau ota ha tautolu ti lata he logona e poakiaga ke taute pihia. Kaeke kua tauteute a koe ke fano leva mo e fakapotopotoaga, fakailoa age ki a ia ne leveki e tau mekasini po ke fakatoka e tau mekasini hau ke he taha tagata foki to liu mai a koe.
3 Ko e uho ia ne fafati mai i luga ne talahau mai foki kua lata ia tautolu “ke fakamau tumau taha e aho mekasini.” Maeke nakai ia koe ke lago e Aho Mekasini he vahatapu? Kikite mai he 1999 Calendar of Jehovah’s Witnesses, hoko e mena nei ke he tau Aho Faiumu katoa he tau! Aua neke fakateaga e aoga he tufatufaaga he Kolo Toko mo e Awake! He lali fakalahi a tautolu ke fakalataha he gahua mekasini, “kua ogo mai e monuina, kua talahau mai e tala mitaki” ke he tau katofia ha tautolu.—Isa 52:7.