Kia Manatu ke he Kupu a Iehova he Tau Aho Oti!
1 Ne ha ha i ai he tau aho oti e tau fetoko fou ke he tua hau. Liga totoko tumau taha tagata fakalalolagi ne mahani mo koe ke fia kapitiga. Po ke manako e faiaoga hau ke tutuli e gahua muhu koloa, po ke manako e takitaki gahua hau ke fakaloa e magaaho gahua hau. Liga lolelole foki e malolo tino hau. Pete kua fehagai a koe mo e tau kamatamata kehekehe, nakai ko koe hokoia. Kua mautali a Iehova ke atu ki a koe e pulotu ne lata ke lagomatai ai. Kikite ai ke he tau kupu Tohi Tapu mo e tau talahauaga he Examining the Scriptures ko e taha puhala kua maeke ia koe ke fakagahua e Kupu a Iehova he tau aho oti. Ati fakaaoga nakai e koe e foakiaga homo nei?
2 Kua Foaki e Lagomatai: Talahau mai ia Isaia 30:20 ko Iehova ko e ‘Akoako Mua Ue Atu’ ne kua maeke e tau tagata he Atua ke haga atu ki ai ma e lagomatai. Fakatoka mai e ia e tau mena ne lata mo koe he fehagai a koe mo e tau fetoko ke he tua hau. Fefe? Ne fakamaama mai he kupu ne mui mai: “To logona foki he tau teliga ha mutolu e kupu ki tua ha mutolu, ka afe age a mutolu ke he fahi matau po ke afe age a mutolu ke he fahi hema, kua pehe mai, Ko e puhala hanai ke o ai a mutolu.” He vaha nai, ne fakafano atu e Iehova hana a “kupu” he Tohi Tapu mo e tau tohi ‘he fekafekau fakamoli.’ (Mata. 24:45) Ha i ai he tau vala tala he tau Watchtower i tuai e tau penina he pulotu, ne lauia ai e tau fahi kehekehe he mouiaga he Kerisiano. He liu fatiaki ia e falu ne totoku he Examining the Scriptures to lagomatai aki a koe ke ati hake e fale kua tatanaki he pulotu lahi mahaki ka fehagai mo e tau kamatamata kehekehe.—Isa 48:17.
3 Fakata Mai e Magaaho: Pete ko e tau magaaho lavelave lahi e tau mogo pogipogi, taha e matua fifine ne fakata tumau e magaaho ke totou mo e tutala mo e hana a tama tane e tau kupu mo e tau talahauaga he kai pogipogi ai. Ko e tau kupu nei pihia mo e liogi e tau kupu fakahiku ka logona e ia ato fano he aoga. Ne fakamalolo aki a ia ke kalo kehe he tau mahani feuaki, ke tu fakamalolo he fehagai mo e tau mena fakamotu, ti kua fakamoli fakamalolo ke he tau tama aoga mo e tau faiaoga katoa. Pete ni ko ia hokoia e Fakamoli he aoga, nakai matimati a ia.
4 Haga atu ki a Iehova mo e hana a Kupu ke fakatonutonu mo e fakatakitaki. Ka pihia e tauteaga hau, to kitia moli e koe a ia, tuga ni e kapitiga moli. Haga atu ki a ia he tau aho oti! Katoa foki mo e falu he tau miliona he lalolagi ne kumikumi ke he tau aho oti e Kupu he Atua, kia maeke he tau mata hau ke ‘kitekite atu a tau mata ke he Akoako Mua Ue Atu ha mutolu.’