Puha Huhu

◼ Heigoa kua lata he tutala ke he tau potopotoaga fekafekauaga?

Ko e kakano he tau potopotoaga ke o atu he fonua ke lagomatai mai a tautolu ke mata fakamahao ke he gahua ne muitua ki ai​—ko e fekafekauaga. Haia, aoga lahi he takitaki ke mautauteute mitaki ti kua mautali mo e tau manatu fakamalolo, tonuhia, mo e ke fakagahuahua. Kaeke felauaki e matakupu tohi he aho mo e gahua fakamatala, ti totou mo e tutala fakaku. Ka e, lata e potopotoaga he onoono fakamahao ke he fekafekauaga, ke lagomatai a lautolu oti ne o atu he gahua fakamatala ke tauteute fakamitaki ke fakakatoatoa e feua he aho ia.​—2 Timo. 4:5.

Kia kikite e tau manatu ne felauaki he Ha Tautolu a Fekafekauaga he Kautu ti maeke oti ke iloa e foakiaga fou he mahina mo e puhala ke foaki aki. He tau Aho Mekasini, kia fakatata e fakataiaga he “Puhala ke Foaki e Tau Mekasini.” Ke he falu matagahua, fakaaoga e taha po ke ua e puhala i loto he tohi Reasoning ne felauaki ia ke he kavi ka o ki ai. Kia talahau po ke fakatai e taha vala he fekafekauaga, tuga e puhala ke fakaaoga e Tohi Tapu he gutuhala, ke tali e taha taofiaga, ke foaki e fakaakoaga he Tohi Tapu, po ke puhala ka liliu ahi atu.

Nakai lata e tau potopotoaga ke molea 10 po ke 15 e minuti, putoia ai e vehevehe he tau hoa, fifili atu he tau matakavi gahua, mo e liogi. Kaeke mavehevehe, lata ia lautolu oti ne fakalataha ke kikite ko hai e tau hoa ha lautolu mo e kavi ka o ki ai, ti lata ia lautolu ke o atu agataha. Ha ko e ku e magaaho ne fakalataha, aoga lahi ke o mai oti he magaaho taha. Kaeke tutaki e magaaho he fekafekauaga ke he feleveiaaga he fakapotopotoaga, tuga e Fakaakoaga he Kolo Toko, kia fakaku hifo foki. Nakai lata ke taute e matakupu tohi he aho, tali kua fita he taute e tutalaaga mitaki ke he Tohi Tapu.

Kia fifili fakamua e tau matakainaga tane papatiso ke taute e potopotoaga he fonua. Kaeke nakai ata taha ia lautolu ke taute he tau aho ne fafati, kia fifili he tau momotua e tau matakainaga fifine papatiso ne maeke ke taute he tau mogoia. Ha ne nofo a ia he nofoa, ti hafagi he matakainaga fifine e matakupu tohi he aho po ke ha manatu aoga ne lauia mitaki ke he fonua, ti matutaki fakaku e tau manatu hana. Kia kofu e ulu hana.

Ko e tau potopotoaga fekafekauaga ko e tau magaaho aoga lahi ma tautolu ke fakamalolo mo e fakamau e tauteuteaga ma e fekafekauaga. Kaeke mautauteute mitaki e takitaki, to mua atu e aoga ha lautolu ne fakalataha.