Foakiaga he Tau Tohi ke he Matakavi he Tau Vagahau Kehekehe
1. Ko e ha e loga he tau fakapotopotoaga ne manako ke he tau tohi he vagahau kehe?
1 Ke he loga he tau matakavi, kua putoia ke he fonua e tau tagata mai he falu motu. Tokologa ia lautolu nei ne mafiti ke ako mo e hokulo e maamaaga ka fakaako a lautolu ke he vagahau ne fanau mai ki ai. Ko e heigoa e tau fakatokatokaaga kua taute ke foaki e tau tohi faka-Tohi Tapu ki a lautolu kua fiafia ke he vagahau kua maama lahi a lautolu i ai?
2. Ko e heigoa e puhala kaufakalataha kua lata ka ua po ke loga atu e fakapotopotoaga vagahau kehe ne gahua ke he taha e matakavi?
2 Magaaho ke Foaki e Tau Tohi: Ka ua po ke loga e fakapotopotoaga ne vagahau e tau vagahau kehekehe kua gahua ke he taha e matakavi, ko e tau kau he tau motua ne kua putoia ai ka taute ai he puhala atu he tau fekafekau leveki ke fakatu taha fakatokaaga ne talia auloa ki ai ke maeke ke igatia e tau matakau vagahau kehekehe mo e fakamatala fakamatutu ki ai. Ka fakamatala ke he taha fale mo e taha fale, nakai fa mahani e tau tagata fakailoa ke foaki e tau tohi he vagahau he falu fakapotopotoaga. Pete ia, ka taute he tagata fakailoa e fakamatala he magaaho noa po ke he tau matakavi tolo, maeke ke foaki e tau tohi ke he vagahau ne fakaaoga he matakavi ia.—Kikite Our Kingdom Ministry, Tesemo 1990 lau 7.
3. Magaaho fe ka lata e fakapotopotoaga ke fai tohi vagahau kehe ka toka he puha?
3 Magaaho ka Fai Tohi ka Toka he Puha: Ko e heigoa ka taute ka lahi e puke tagata ne vagahau kehe he matakavi ia ka e nakai fai fakapotopotoaga ne vagahau he vagahau ia? Ke he tau tutuaga pihia, liga toka he tau fakapotopotoaga e falu tohi gahoa he tau matapatu tohi ne fa fakaaoga mau he vagahau ia, tuga e tau tuleke, ko e tau porosua Manako mo e Kapitiga he Atua, mo e tohi Iloilo. Maeke e tau tagata fakailoa ke foaki e tau tohi nei he ha magaaho ni ka feleveia a lautolu mo e tau tagata ne iloa ke totou he vagahau ia.
4. Puhala fe ka maeke ke moua aki e tau tohi he vagahau kehe ne nakai fai ne toka he fakapotopotoaga?
4 Puhala ke Ota e Tau Tohi: Ka nakai toka he fakapotopotoaga e tohi tuga ne manako e tagata loto fiafia ke totou he vagahau hana, maeke fefe ke moua e tau tohi ke he vagahau ia? Kua lata e tagata fakailoa ke fakakia fakamua ke he tagata leveki tohi ke iloa ko e tau tohi fe ne fai he vagahau ia ti maeke ke ota e tau tohi kua manako ki ai mo e ota tohi ka hau he fakapotopotoaga.
5. Ko e heigoa ka taute ka manako ke he tau tohi ka e nakai la hoko ke taute e ole tohi ka hau?
5 Ka manako ke moua mafiti, maeke e tagata fakailoa ke ole ke he taha he Komiti Fekafekau he Fakapotopotoaga ko e maeke nakai ke tuku e ole ato hoko e ota tohi ka hau kua setulu ma e fakapotopotoaga. Ka talia e ole nei, ko e leveki tohi po ke taha ka kotofa e ia ka fakahu atu po ke hea atu e ole mafiti ia ke he la ofisa. To fakahu atu e tau tohi ke he kaina fa mahani ke ta atu ki ai e tau tohi he fakapotopotoaga po ke ke he taha kaina, kaeke kua manako. Kaeke ole ke ta atu he taha po ke ua e aho, ko e fakapotopotoaga ka totogi ke fakahu atu ai.
6. Ko e heigoa e foliaga ha tautolu he foaki e tau tohi faka-Kerisiano?
6 Kia fakaaoga fakamitaki e tautolu e tau tohi faka-Kerisiano ke lagomatai, “e tau tagata oti kana,” pete ko e vagahau fe ne fakaaoga e lautolu, ‘ke hokotia a lautolu ke he maama ke he kupu moli mo e moui ai.’—1 Timo. 2:3, 4.