Ka Manako Mafiti a Koe ke he Tau Tohi Vagahau Kehe

Kua feleveia a tautolu he falu mogo mo e tau tagata kua manako ke totou e tau tohi ha tautolu he vagahau kehe ne nakai fai he fakapotopotoaga ha tautolu. Iloa nakai e koe ka maeke a koe ke fakaaoga e Internet mo e matini print, maeke a koe ke moua e tau tohi kavi ke he 400 e vagahau? Hanei e puhala:

• Fano ke he ha tautolu a www.watchtower.org he faahi Web pauaki.

• Haia he faahi matau he home page e falu vagahau. Peehi e fakatino he fua lalolagi ke kitia e tau vagahau oti kua ha ha i ai.

• Peehi e vagahau ne manako a koe ki ai. To hake mai e faahi ka fakakite e tau tohi ka print e koe, tuga e tau tuleke, tau porosua, mo e tau vala tala. Ha ko e faahi nei kua tohi he vagahau ne fifili e koe, ua tupetupe ka nakai mailoga e koe e tau mataulu.

• Peehi ke he ha tohi. To hake mai ai ti maeke mogoia ke print he fakaaoga e fakatino he printer he komopiuta haau.

Ko e tau fakataiaga ni a ia he faahi Web ha tautolu; ko e falu tohi kua moua mai he fakapotopotoaga. Ka mailoga e koe e fiafia, kua mitaki lahi ke ole e tau tohi mai he tokaaga tohi he fakapotopotoaga.