Ko e Puhala ke Lagomatai a Lautolu

Kua fakalataha e tau Kerisiano moli ke he fekafekauaga he toloaga tagata ke folafola e tala mitaki. (Filipi 2:17) Ke taute e mena ia, falu matapatu porosua, tuleke, mo e tau vala tala ke he 20 e vagahau kua tuku he Internet he www.watchtower.org. Ko e fahi Web nei ne nakai talaga ke tufatufa aki e tau tohi fou ke he Tau Fakamoli a Iehova. Ko e kakano ke foaki e tau vala tala hako ke he toloaga tagata hagaao ke he tau fakaakoaga he Tau Fakamoli a Iehova mai he Tohi Tapu.

Nakaila leva ia, ne taha e lafiaga aoga lahi ke he fahi Web pauaki ha tautolu. Ko e porosua anei Ko e Heigoa e Manako he Atua ma Tautolu? ke he molea e 220 e vagahau. Pihia foki, ko e tau fufuta ia Ianuari 1 mo Ianuari 8, 2004, he Ko e Kolo Toko mo e Awake! he tau vagahau oti ne kua kamata ai ke tu e matahigoa he Web ha tautolu he lau i tua.

Fakaaoga fefe e koe e koloa nei? Liga feleveia a koe mo e tagata ne matamata ke fiafia ka e maama hokoia ni he taha vagahau foki. Kaeke ha ha ia ia e Internet, maeke ia koe ke fakakite age e matahigoa he Web he lau i tua he Ko e Kolo Toko po ke Awake! He puhala ia liga maeke ia ia ke kumikumi ke he porosua Manako ke he vagahau motu hana ato liu atu a koe mo e tohi he vagahau ia hana. Po ke maeke ia koe ke age e liu ahi atu ke he fakapotopotoaga po ke matakau ne leveki ke he vagahau ia hana.