Tala Mitaki i Loto he Internet

He vaha lotomatala lahi ha tautolu, kua moua he falu tagata e tau fakailoaaga mai he puhala he tau matini, putoia ki ai e Internet. Ti kua tuku he Sosaiete i loto he Internet falu fakailoaaga tonu hagaao ke he tau taofiaga mo e tau feua he Tau Fakamoli a Iehova.

Kua haia he fahi Web i loto he Internet ha tautolu e matahigoa http://​www.watchtower.org mo e toka i ai e tau tuleke, tau porosua, mo e tau vala tala he tau Watchtower mo e Awake! kehekehe he vagahau Peritania, Saina (Fakamukamuka), Sihamani, Rusia, mo e Sepania, pihia foki ke he falu a vagahau. Ko e tau tohi he fahi Web nei kua fita he moua he puhala he tau fakapotopotoaga mo e kua fakaaoga ai he fekafekauaga. Ko e kakano he fahi Web ha tautolu, nakai ke fakatoka mai e tau tohi fou, ka e kua taute ke moua he tau tagata e tau fakailoaaga ke he puhala he matini. Kua nakai lata ai ha tagata takitokotaha ke tauteute e tau fakailoaaga i loto he Internet hagaao ke he Tau Fakamoli a Iehova, ha tautolu e feua, po ke ha tautolu a tau taofiaga. Kua foaki mai he fahi pauaki ha tautolu e tau fakailoaaga tonu ma e ha tagata ka manako ki ai.

Pete he nakai fai foakiaga e fahi ha tautolu ma e tau fekau fakatagata (E-mail), kua tohi i ai e tau kaina he tau la he lalolagi katoa. Ti kua maeke ai he tau tagata ke tohi ke moua atu falu fakailoaaga po ke moua e lagomatai ki a ia ni mai he Tau Fakamoli he matakavi ia. Kia nakai fakauaua ke tala age e matahigoa na i luga he Internet ke he ha tagata ka manako ke fakaako e kupu moli he Tohi Tapu ke he puhala nei.