Ko e Aoga Fekafekau Fakateokarasi ma e 2004
1 Ne fakakoloa e Iehova e tau tagata noa ke taute e gahua aoga he lalolagi mo e lagi katoatoa. Taha puhala ne taute e ia e mena nei kua puhala mai he fakaakoaga ne taute he tau fahi tapu takitaha ke he Aoga Fekafekau Fakateokarasi. Kua fakalataha katoatoa nakai a koe he fakaata he tau tutuaga hau a koe? Ia Ianuari to fakagahua ai e tau hikiaga gahoa mo e onoonoaga ke lagomatai e tau tagata fakaako ke lahi e mena ka moua mai he tau fakaholoaga nei.
2 Hikihiki he Tagata Fakatonu Fakaku: Ko e tau matakainaga tane ne taute e tau lauga fakaako mo e fakamaamaaga mai he totouaga he Tohi Tapu ne kua loto fakaaue ke he tau kitekiteaga ne foaki he tagata fakatonu fakaku. Ka loga e tau motua kua lata, liga maeke e kotofaaga he tagata fakatonu fakaku ke hiki lagataha he tau. Ke he puhala nei, kua maeke ke hahamo auloa e gahua; ka e mua atu e aoga, to ako mai e tau motua mo e tau fekafekau lagomatai kua lata he tau iloaaga kehekehe he tau tagata lauga mo e tau faiaoga mitaki.
3 Setulu e Liu Fakamanatu he Fakatutala: Kaeke fakahoko e toloaga he takaiaga he fakapotopotoaga ha mutolu he fahi tapu he liu fakamanatu he fakatutala, kua lata e liu fakamanatu (mo e setulu katoa he fahi tapu) ke fakatolomaki ki mua taha e fahi tapu ka e ko e setulu ma e fahi tapu hake ia kua lata ke tamai ki tua taha e fahi tapu. Pete ia, nakai lata ke tautui ua e fahi tapu katoa he setulu he fahi tapu ka felauaki e liu fakamanatu he fakatutala mo e ahiahi mai he leveki takaiaga. Ka e, ko e lologo, ko e lauga alito he vagahau, mo e fakamaama mai he totouaga he Tohi Tapu kua lata ke taute ni tuga ne setulu. Ko e lauga fakaako (ne taute ka oti e lauga alito he vagahau) kua lata ke tamai he setulu he fahi tapu hake. Ka oti e fakamaama mai he totouaga he Tohi Tapu ti tutaki ke he hafa e tula he Feleveiaaga Fekafekau, kua maeke ke hiki ke he tolu e vala taki hogofulu minuti po ke ua e vala taki 15 minuti. (Ko e tau fakailoaaga hafagi kua lata ke mumutu.) Ko e Feleveiaaga Fekafekau to mui mai ai e lologo mo e fakaholoaga hafa tula he leveki takaiaga. Ko e Aoga Fekafekau Fakateokarasi ma e tapu hake to fakaholo aki e lauga alito he vagahau mo e fakamaama mai he totouaga he Tohi Tapu tuga ne setulu, ti mui mai e liu fakamanatu he fakatutala.
4 Kia fakaaoga fakamitaki e tau magaaho takitaha ma e tupuaga fakaagaga. Ha kua moua e koe e aoga mai he hau a fakaakoaga he Aoga Fekafekau Fakateokarasi, kua fakamalolo e koe e fakapotopotoaga hau, kua fai vala ke he fakamoliaga he perofetaaga he Tohi Tapu, mo e tamai e fakahekeaga ke he Punaaga he fekau homo ue atu ne latatonu ia tautolu ke fakapuloa.—Isaia 32:3, 4; Fakakite. 9:19.