Liu Fakamanatu e Aho Toloaga Pauaki

Ko e vala nei to taute ai ke kitekite tuai mo e liu fakamanatu e fakaholoaga he aho toloaga pauaki ma e tau he fekafekauaga he 2005. Ko e vala tala “Fakatokaaga Fou ke Liu Fakamanatu e Tau Fakaholoaga he Toloaga,” ne tu he lau 4 he uho nei, kua fakamaama e puhala ke taute aki. He magaaho ka liu fakamanatu ai, fatifati e tula ke maeke ke taute oti e tau huhu. Ko e liu fakamanatu kua lata ke onoono fakatonutonu ke he puhala kua maeke ia tautolu ke fakagahuahua e vala tala ne talahau mai.

FAKAHOLOAGA HE POGIPOGI

1. Ko e ha kua mua atu tumau e lata ke fanogonogo ki a Iehova? Ko e heigoa e kakano ke fanogonogo? (“Ko e Kakano he Fanogonogo ke he Leo ha Iehova”)

2. Maeke fefe e tau magafaoa ke fakatumau e fakaholoaga mitaki ke he tau mena fakaagaga? (“Tau Magafaoa ne Fanogonogo Katoatoa ke he Kupu he Atua”)

3. Puhala fe ha lautolu he takaiaga ne kua fakaaoga fakamitaki e tau magaaho ke fakamatala he magaaho noa? (“Taute e Tau Mena Oti ma e Lilifu he Atua”)

4. Ko e heigoa e tau mena ne maeke ia tautolu ke ako mai he tau fakafifitakiaga hataki ia Heperu veveheaga 3 mo e 4? Puhala fe kua hane vagahau a Iehova ki a tautolu he vaha nei? (“Kua Puipui a Tautolu he Fanogonogo Ka Vagahau e Atua”)

5. Aoga fefe ki a koe e lauga he papatisoaga? (“Tukuleleaga mo e Papatisoaga”)

FAKAHOLOAGA HE AFIAFI

6. Ko e heigoa ha tautolu ne iloa hagaao ki a Iesu he vaha fuata, mo e hane mumuitua fefe e tau fuata he takaiaga ke he fakafifitakiaga hana? (“Puhala kua Fakamalolo e Tau Fuata ha Tautolu he Fanogonogo Fakamakutu ke he Kupu he Atua”)

7. Ko e heigoa falu puhala kua maeke e tau mamatua ke kamata fakamahani e tau mukemuke mo e tau tama ikiiki ha lautolu ke he tau puhala ha Iehova? (“Tau Tama Ikiiki ne Fanogonogo ke he Atua mo e Ako Ai”)

8. Ko e heigoa falu mena pauaki kua lata ia tautolu ke fanogonogo ki a Iehova, hana Tama, mo e “ke he fekafekau fakamoli mo e loto matala”? (Mata. 24:45) Ko e ha kua aoga ai ke taute pihia e tautolu? (“Fanogonogo Tumau ke he Fakaakoaga Faka-Atua”)