Liu Fakamanatu e Aho Toloaga Pauaki

Ko e vala nei to fakaaoga he polokalama he Feleveiaaga Fekafekau he nakai leva ato o atu mo e nakai leva e mole e o atu he fakapotopotoaga ke he toloaga he aho toloaga pauaki he tau he fekafekauaga ma e 2006. To fakatokatoka he leveki he fakapotopotoaga e vala nei ke kitekite tuai mo e liu fakamanatu, tuga ne tohi he Ha Tautolu a Fekafekauaga he Kautu, lau 4, Sepetema 2004. He liu fakamanatu, kua lata ke huhu e tau huhu oti, he onoono fakalahi ke he puhala kua lata ia tautolu ke fakagahua e tau vala tala ne foaki mai.

FAKAHOLOAGA HE MAGAAHO POGIPOGI

1. Ko e heigoa e kakano ke fakamukamuka e tau mata he tagata, ti ko e ha ne paleko ai he vaha nei? (“Ko e Ha Kia Fakamukamuka Hau a Tau Mata?”)

2. Moua fefe e tautolu e aoga he fakatumau ke fakamukamuka e tau mata? (“Moua e Tau Monuina he Fakatumau ke Fakamukamuka e Tau Mata”)

3. Ko e heigoa e hagahagakelea ne fakaneinei mai he tau gahua ne talahau ke fa mahani? (“Fakatumau he Fakamukamuka e Tau Mata ke he Lalolagi Kelea”)

FAKAHOLOAGA HE MAGAAHO AFIAFI

4. Maeke fefe he tau matua mo e falu ke fakamalolo e tau fuata ke tutuli e tau foliaga fakaagaga? (“Tau Matua ne Fana Fakahako e Tau Tao ha Lautolu” mo e “Tau Fuata ne Tutuli e Tau Foliaga Fakaagaga”)

5. Maeke fefe ia tautolu ke fakatauo mo e fakatokatokaaga ha Iehova (a) ko e tau tagata takitokotaha? (e) ko e tau magafaoa? (i) ko e fakapotopotoaga? (“Hagaaki ke Holo ki Mua mo e Fakatokatokaaga ha Iehova”)